Հայ կոմպոզիտորների գործերը կներառենք Մալթայի սիմֆոնիկ նվագախմբի ելույթներում. Սմբատյան

© Sputnik / Andranik GhazaryanСергей Смбатян на пресс-конференции "Какие проекты готовят звезды классической музыки" (27 сентября 2019). Еревaн
Сергей Смбатян на пресс-конференции Какие проекты готовят звезды классической музыки (27 сентября 2019). Еревaн - Sputnik Արմենիա
Բաժանորդագրվեք
Հայ ճանաչված երաժիշտները համոզված են, որ Հայաստանում տաղանդավոր երիտասարդներ շատ կան, և իրենց առաքելությունն է նրանց համաշխարհային ճանաչման հասցնելը:

ԵՐԵՎԱՆ, 27 սեպտեմբերի — Sputnik. Ունենք փայլուն հայ արտիստներ, որոնք իրենց ուրույն տեղը կգտնեն Մալթայի ֆիլհարմոնիկ նվագախմբի համերգաշրջանում: Այս մասին Sputnik Արմենիա մուլտիմեդիոն մամուլի կենտրոնում լրագրողների հետ հանդիպման ժամանակ ասաց Հայաստանի և Մալթայի սիմֆոնիկ նվագախմբերի  գլխավոր դիրիժոր, Հայաստանի պետական երիտասարդական նվագախմբիհիմնադիր-ղեկավար Սերգեյ Սմբատյանը:

© Sputnik / Andranik GhazaryanՀայկ Կազազյանը և Սերգեյ Սմբատյանը
Հայ կոմպոզիտորների գործերը կներառենք Մալթայի սիմֆոնիկ նվագախմբի ելույթներում. Սմբատյան - Sputnik Արմենիա
Հայկ Կազազյանը և Սերգեյ Սմբատյանը

Նշենք, որ այս տարվա սեպտեմբերի սկզբին Սերգեյ Սմբատյանը նշանակվել է Մալթայի ֆիլհարմոնիկ նվագախմբի գլխավոր դիրիժոր։ Մաեստրո Սմբատյանն, այս պաշտոնում առաջին անգամ ղեկավարել է նվագախումբը սեպտեմբերի 14-ին, երբ Վալետայում ներկայացրել է Իգոր Ստրավինսկու «Սրբազան գարուն» ստեղծագործության մալթյան պրեմիերան։

Сергей Смбатян - Sputnik Արմենիա
WCIT նվագախումբը ՀՀ–ում կկատարի արհեստական բանականության ստեղծած հայկական երաժշտությունը

«Հիմա Մալթայի նվագախմբում կառուցում ենք հաջորդ համերգաշրջանի ծրագիրը, որտեղ կներառենք նաև հայ կոմպոզիտորների ստեղծագործություններ»,–ասաց Սմբատյանը և հավելեց, որ ինքը գիտակցում է, որ մեծ պատասխանատվություն է լինել եվրոպական նվագախմբի գլխավոր դիրիժոր։ Այս գործում մաեստրո Սմբատյանը խոստանում է ոգևորել նվագախմբին, որպեսզի նրանք հավատան իր գաղափարներին, որոնք ոչ միշտ են ստանդարտ։

«Շատ տաղանդավոր արտիստներ ունենք նաև Հայաստանում, սիրվում և ընդունվում են նրանք, որոնց  աշխարհն արդեն ճանաչել է, բայց նաև կան չճանաչված տաղանդավոր երիտասարդներ, որոնց կներգրավենք Մալթայի նվագախմբում։ Երիտասարդ և տաղանդավոր սերնդին ոգևորելը մեր առաքելությունն է»,–ասաց Սմբատյանը և խոստացավ ամեն բան անել, որպեսզի հաջորդ տարի Մալթայի նվագախումբը համերգներով գա Հայաստան։

Ասուլիսին ներկա էր նաև ջութակահար (մենակատար) Հայկ Կազազյանը, որը համոզմունք հայտնեց, որ ժամանակն է, որ հայ երաժիշտներին  նայենք, ոչ թե որպես ազգային արժեքի, այլ որպես համաշխարհային արտիստի:

«Որքան էլ, որ մենք գնում ենք արտասահման ուսման ու կարիերայի հետևից, միևնույն  է, չենք մոռանում Հայաստանը: Ի վերջո, եթե երաժիշտը կայացած է, նա կարող է ապրել ցանկացած տեղ, ստեղծագործել և լինել պահանջված»,- ասաց ջութակահարը և հավելեց, որ կարևոր է, թե արտիստի հոգին որտեղ է ապրում և ոգեշնչվում:

© Sputnik / Andranik GhazaryanՀայկ Կազազյանը
Հայ կոմպոզիտորների գործերը կներառենք Մալթայի սիմֆոնիկ նվագախմբի ելույթներում. Սմբատյան - Sputnik Արմենիա
Հայկ Կազազյանը

Երաժիշտները համոզված են, որ Հայաստանում հնարավոր չէ ապահովել այն ուսումը, որը նրանք ստացել են արտերկրում, քանի որ այստեղ լավ մասնագետների խիստ պակաս կա:

Sputnik Արմենիայի այն հարցին, թե որքա՞ն է եղել ծնողների ներդրումը  իրենց երաժշտական կարիերայի հարցում, արտիստները ժպիտով վերհիշեցին իրենց պատմությունները:

Сергей Смбатян - Sputnik Արմենիա
Հայաստանի սիմֆոնիկ նվագախումբը «Հարրի Փոթերից» երաժշտական հատվածներ կներկայացնի Դուբայում

«Մեր ընտանիքում երաժիշտներ չկան, սակայն հայրս դասական երաժշտության սիրահար է և, ինչպես ինքն է ասում, ես դեռ չծնված լսել եմ լավ երաժշտություն: Հայրս գտնում էր, որ ես պետք է ստանամ լավ կրթություն, հետո կորոշեմ իմ կյանքում ինչ ուղղություն ընտրել»,- ասաց Կազազյանը:

Ըստ ջութակահարի` ամեն ինչ պետք է աստիճանաբար անել, սերունդներին կրթել փոքրուց, պետք է սկսել դասական թեթև գործերից, հակառակ դեպքում չենք կարող 10 տարեկան երեխային ստիպել, որ նա դասական երաժշտություն լսի:

Ի տարբերություն Կազազյանի, Սմբատյանը ծնվել է երաժիշտների ընտանիքում: Նա ճանաչված կոմպոզիտոր, ՀԽՍՀ արվեստի վաստակավոր գործիչ Արմեն Սմբատյանի որդին է:

«4 տարեկանում որոշեցի, որ պետք է դառնամ երաժիշտ: Անգամ ծիծաղելի մի դեպք եմ հիշում, որ հայրիկիս ընկերոջից խորը հիասթափվեցի, երբ պարզվեց, որ նա երաժիշտ չէ: Ինձ թվում էր, որ բոլորը պետք է երաժիշտ լինեն»,- ծիծաղով վերհիշեց Սմբատյանը և հավելեց, որ իր երաժշտական կյանքում գլխավոր հերոսը իր տատիկն է եղել: Հենց նա է Սմբատյանին ուղղորդել, որ նա դիրիժորական կրթություն ստանա:

«Արհեստական տաղանդ» աշխարհում առաջինը Հայաստանում կստեղծվի. Սմբատյան

Ամենամոտ ապագայի ծրագրերի մասին խոսելիս` Սմբատյանն առանձնացրեց հոկտեմբերի 6–ին Հայաստանում կայանալիք WCIT-2019 ՏՏ ֆորումին Արմին վան Բուրենի մասնակցությամբ սպասվող համերգը։ Նա առաջիկա մեկ տարվա ընթացքում նախատեսել է 92 համերգ աշխարհի ամենահեղինակավոր համերգասրահներում ՝ Մյունխենում, Շտուտգարտում, Զալցբուրգում, Բեռլինում, Լոնդոնում, Պրահայում, Մոսկվայում և այլն։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала