ԵՐԵՎԱՆ, 1 հոկտեմբերի — Sputnik. Հայաստանի ու Ռուսաստանի ռազմավարական հարաբերություններն ամուր են ոչ միայն վերջին տարիների կամ տասնամյակների իրադարձություններով, այլ հայ և ռուս ժողովուրդների բազմադարյան պատմությամբ։
Այսօր ՀՀ վարչապետ Նիկոլ Փաշինյանի հետ հանդիպմանն ասաց ՌԴ նախագահ Վլադիմիր Պուտինը`ամփոփելով ԵԱՏՄ-ում Հայաստանի նախագահության տարին։
«Անձամբ Ձեզ` որպես ԵԱՏՄ նախագահողի, ուզում եմ շնորհավորել Երևանի համաժողովի լավ արդյունքների առիթով։ Դրանք իսկապես լավն էին մեր գործընկեր երրորդ երկրների հետ հարաբերություններում գրանցված արդյունքների տեսանկյունից։ Իսկ որ ավելի կարևոր է մեզ համար` չի եղել որևէ խափանում, ԵԱՏՄ շրջանակներում բոլոր պայմանավորվածություններն իրականացված են։ Դուք այն մարդն եք, որն առավելագույն ջանքեր է գործադրել նման արդյունավետ աշխատանքի համար»,– ասաց Պուտինը։
ԵԱՏՄ տարածքում փորձ է արվում տրանսպորտային ծառայությունների միասնական շուկա ստեղծել
ՌԴ նախագահն այս առիթով ոչ միայն շնորհավորեց, այլև շնորհակալություն հայտնեց ՀՀ վարչապետին։
Նշենք, որ հոկտեմբերի 1–ին Երևանում անցկացվեց Եվրասիական բարձրագույն տնտեսական խորհրդի նիստը` նեղ և ընդլայնված կազմով։
