«Հրայր Թովմասյանն արդար դատական համակարգի շահերից հանդես չի գալիս». Միրզոյան

© Sputnik / Asatur YesayantsАрарат Мирзоян ответил на вопросы журналистов в кулуарах парламента (14 января 2019). Еревaн
Арарат Мирзоян ответил на вопросы журналистов в кулуарах парламента (14 января 2019). Еревaн - Sputnik Արմենիա
Բաժանորդագրվեք
НовостиTelegram
ԱԺ նախագահը մեկնաբանել է, թե ինչ մտահոգություններ են դրվել Թովմասյանի պաշտոնանկության նախագծի հիմքում։

ԵՐԵՎԱՆ, 4 հոկտեմբերի — Sputnik. Թե ինչ հանգուցալուծում կունենա Հրայր Թովմասյանի պաշտոնանկության հարցը, կախված է ՍԴ–ից։ Այսօր լրագրողների հետ զրույցում ասաց ԱԺ նախագահ Արարատ Միրզոյանը։

«Թե ինչ որոշում կընդունվի գործընթացի ավարտին, այդ հարցն արդեն ՍԴ–ի տիրույթում է»,– ասաց Միրզոյանը։

ԱԺ նախագահը նշեց, որ Հրայր Թովմասյանի հայտարարություններում քաղաքական տարրեր է նկատում։

«Նա արդար դատական համակարգի շահերից չի հանդես գալիս և չի պաշտպանում այդ համակարգի շահերը։ Մենք` որպես քաղաքական մարմին, ժողովրդին ներկայացնող մարմին, ունենք կասկածներ, որ Հրայր Թովմասյանի այսինչ, այսինչ, այսինչ գործողությունների հիմքում ընկած են այլ, քաղաքական դրդապատճառներ»,– ասաց Միրզոյանը։

Նա հենց այս պատճառաբանությամբ է մեկնաբանում ԱԺ–ի նախագիծը` հավելելով, որ Թովմասյանի գործողությունները միտված են կոնկրետ քաղաքական ուժի շահերը պաշտպանելուն։

Հրայր Թովմասյանը հայտարարություն է տարածել

Հիշեցնենք, որ սեպտեմբերի 16–ին «Իմ քայլը» խմբակցության նիստում որոշում էր կայացվել Սահմանադրական դատարանի անդամներից մեկի` Հրայր Թովմասյանի նկատմամբ սկսել լիազորությունները դադարեցնելու գործընթաց։ «Իմ քայլը» խմբակցության հեղինակած նախագծին ԱԺ պետաիրավական հանձնաժողովը դրական եզրակացություն էր տվել։

ԱԺ–ն քիչ առաջ փակ գաղտնի քվեարկությամբ հաստատեց ՍԴ ներկայացնելու դիմումի որոշումը։

Հրայր Թովմասյանը ՍԴ նախագահ է ընտրվել 2018–ի փետրվարին։

Լրահոս
0