ԵՐԵՎԱՆ, 5 հոկտեմբերի — Sputnik. «Հ2» հեռուստաընկերության «Պահմտոցի» հաղորդաշարի հեղինակ և ռեժիսոր Սարգիս Միքայելյանը Երևան քաղաքի Շիրվանզադե–Մամիկոնյանց փողոցների խաչմերուկում վրաերթի է ենթարկել 38-ամյա Սվետլանա Աբրահամյանին։ Այս մասին հայտնում է shamshyan.com–ը։
Վրաերթը տեղի է ունեցել սեպտեմբերի 30-ին: Երևան քաղաքի Շիրվանզադեի փողոցի բնակիչ Մերուժան Միքայելյանը ներկայացել է դեպքի վայր ժամանած ոստիկաններին և հայտնել, որ Երևանի թիվ 56 հիմնական դպրոցի զինղեկն է և վրաերթը կատարել է ինքը։
Երեկ` հոկտեմբերի 4-ին, ոստիկանները պարզել են, որ Երևանի բնակիչ Սվետլանա Աբրահամյանին վրաերթի է ենթարկել Սարգիս Միքայելյանն իր վարած Dodge մակնիշի 18 ԼԼ 022 համարանիշի ավտոմեքենայով։
Դպրոցահասակ աղջիկը փորձել է ինքնասպան լինել. անցորդներն օգնության են հասել
Կինը, բարեբախտաբար, չի մահացել, նրան տեղափոխել են «Քանաքեռ-Զեյթուն» բժշկական կենտրոն, այնտեղից` «Սլավմեդ» բժշկական կենտրոն, այնուհետև թիվ 1 համալսարանական հիվանդանոց:
Ավազակային հարձակում Գավառում. 25-ամյա աղջիկը խլել է ատրճանակն ու դիմել ինքնապաշտպանության
