Միրզոյանն իրավապահներին հորդորում է ուսումնասիրել ԱԺ լսումների ձայնագրությունը

© Sputnik / Aram NersesyanСпикер Национального Собрания Арарат Мирзоян в мемориальном комплексе Цицернакаберд (24 апреля 2019). Еревaн
Спикер Национального Собрания Арарат Мирзоян в мемориальном комплексе Цицернакаберд (24 апреля 2019). Еревaн - Sputnik Արմենիա
Հյուսիսային պողոտայի տարածքում հանրային գերակա շահ հայտարարված մասնավոր սեփականության իրավունքի խախտման դեպքերը պետք է արժանանան իրավական գնահատականի։ Արարատ Միրզոյանը վստահեցնում է` իշխանությունն այդ հարցում կաշկանդվածություն չունի։

ԵՐԵՎԱՆ, 7 հոկտեմբերի – Sputnik. Հյուսիսային պողոտայի տարածքում հանրային գերակա շահի հռչակման ու դրան հաջորդած գործընթացները պետք է քննության առարկա դառնան անցումային արդարադատության շրջանակներում։ Այսօր ԱԺ–ում «Պետության կողմից «Հյուսիսային պողոտա-Կասկադ» ծրագրով բացառիկ գերակա հանրային շահ ճանաչելու հետևանքով սեփականության իրավունքի ոտնահարման խնդիրները» թեմայով խորհրդարանական լսումների  ընթացքում իր ելույթում այս մասին ասաց ՀՀ ԱԺ նախագահ Արարատ Միրզոյանը։

«Այսօր բազմաթիվ ելույթներում նշվեցին հանգամանքներ, որոնք իրավապահ մարմինների ուշադրությանն են արժանի։  Եվ ես այս ձայնագրությունը լսումներից հետո ուղարկելու եմ իրավապահ մարմիններին»,– խոստացավ Միրզոյանը։

ԱԺ նախագահը հայտարարեց, որ ՀՀ նոր իշխանությունը որևէ կաշկանդվածություն չունի այդ գործերի քննությունն իրականացնելու։

Омбудсмен РА Арман Татоян - Sputnik Արմենիա
«Տարիներով թալանել են մարդկանց». ՄԻՊ–ն առաջարկում է վերանայել ունեցվածքն օտարելու օրենքը

«Այդ գործընթացում դրսևորվել են գործադիր իշխանության բարձրադիր օղակների, շատ բարձրաստիճան պաշտոնյաների ինքնիրավչությունը, կամայականությունը, իսկ գուցե նաև սեփական բիզնես և ֆինանսական շահերը։ Այսինքն` մենք խոսում ենք անցումային արդարադատության մասին»,– ասաց Միրզոյանը` հավելելով, որ փաստերի հաստատման դեպքում մեղավորները պետք է բացահայտվեն ու պատժվեն։

ՄԻԵԴ վճռով Հայաստանը պետք է 1 միլիոն 608 հազար եվրո վճարի ՀՀ քաղաքացի Յուրի Վարդանյանին

Արարատ Միրզոյանը շեշտեց, որ 2000-ականների սկզբում տեղի ունեցած գործընթացներում դրսևորվել է ոչ միայն գործադիր իշխանության շահագրգիռ վերաբերմունքը, այլև դատական իշխանության կախումը գործադիր իշխանությունից։

Адвокат Ованнес Худоян на пресс-конференции адвокатов Роберта Кочаряна (21 июня 2019). Еревaн - Sputnik Արմենիա
ՌԱԴԻՈ
Խուդոյան․ «ՄԻԵԴ-ի գնահատականը հիմք կլինի Քոչարյանի գործն ավարտելու համար»

«Եվ սրա վկայությունն այն է, որ բազմաթիվ վճիռներ այսօր հակառակ ավարտ են ունենում ՄԻԵԴ–ում։ Եվ այն պայմաններում, երբ մի քանի տասնյակ մարդիկ դոլարային միլիոնատերեր են դարձել այս գործընթացի արդյունքում, այսօր ՀՀ–ը ՄԻԵԴ վճիռների արդյունքում պարտավորվում է, կարծեմ, արդեն շուրջ 2 մլն եվրոյի չափով փոխհատուցում տրամադրել տուժողներին»,– ասաց Միրզոյանը։

«Գուցե հարցը կացնով լուծելու պահանջարկ կա, բայց մենք այդպես չենք կարող». Արարատ Միրզոյան

ԱԺ–ը նախագահը կարևորեց մեկնարկող վերաքննության արդյունքում տուժողների իրավունքները վերականգնելու անհրաժեշտությունը։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала