ԵՐԵՎԱՆ, 7 հոկտեմբերի — Sputnik. Պահեստազորային պատրաստության շրջանակներում վարժական հավաքներին մասնակցած թվով ութ աղջիկների ՀՀ Պաշտպանության նախարարի հրամանով շնորհվել է լեյտենանտի զինվորական կոչում: Իր Facebook-յան էջում այս մասին տեղեկացրել է ՀՀ ՊՆ խոսնակ Արծրուն Հովհաննիսյանը։
«Նորաթուխ լեյտենանտները Շիրակի պետական համալսարանի Ռազմական ամբիոնի շրջանավարտներ են: Շնորհավորում եմ Ձեզ հարգելի աղջիկներ: Ես դեռ մայիս ամսին վստահ էի, որ դուք արժանի եք»,–գրել է Հովհաննիսյանը:
Հիշեցնենք, որ սեպտեմբերի 24-ից հոկտեմբերի 5-ը Հայաստանում լայնածավալ զորավարժություն անցկացվեց, իսկ հոկտեմբերի 20-ից մինչև նոյեմբերի 30-ը կացկացվեն պահեստազորի շարքային, ենթասպայական և սպայական կազմերի պահեստազորայինների վարժական հավաքներ։
«Փորձում էին սահմանը հատել, ոչնչացվեցին». հակաահաբեկչական զորավարժություններ. տեսանյութ
Վարժանքները կանցկացվեն ռազմական ունակությունների կատարելագործման և մասնագիտական վերապատրաստման համար։ Դրանցում կներգրավվի թվով 316 քաղաքացի` հրթիռահրետանային, հակաօդային պաշտպանության, կապի, հետախուզական և տեխնիկական մասնագիտություններով պահեստազորայինները։
