ԵՐԵՎԱՆ, 8 հոկտեմբերի — Sputnik. Հայաստանի մարմնամարզության հավաքականի մարզիկ Արթուր Թովմասյանը Գերմանիայի Շտուտգարտ քաղաքում ընթացող աշխարհի առաջնության եզրափակիչում կպայքարի աշխարհի չեմպիոնի տիտղոսի համար։
Հայ մարզիկն օղակների վարժությունում զբաղեցրել է 8-րդ տեղը, ինչի շնորհիվ հնարավոր է դարձել դուրս գալ եզրափակիչ։
Եզրափակիչը տեղի կունենա հոկտեմբերի 13-ին։ Աշխարհի առաջնությունը վարկանիշային է Օլիմպիական խաղերի համար։
Անձրևը դարձավ պատճառ. ինչպես Ալեքսանդր Կարապետյանը ֆուտբոլում հասավ իր նպատակին
Արթուր Թովմասյանը ծնվել է Հայաստանում 1992 թվականի հունիսի 18-ին։ Մարմնամարզությամբ սկսել է զբաղվել 1998 թվականից։ Հրանտ Շահինյանի անվան մարզադպրոցի սան է, Հայաստանի մարմնամարզության հավաքականի անդամ։ Նա 2013 թվականին Դոհայում անցկացված աշխարհի գավաթի բրոնզե մեդալակիր է։
Ծնոտը շրխկաց․ Աբրահամյանը հաղթանակ է տարել թուրքի հետ մենամարտում. տեսանյութ
