ԵՐԵՎԱՆ, 10 հոկտեմբերի – Sputnik. «Զվարթնոց» միջազգային օդանավակայանի ավիացիոն անվտանգության աշխատակիցները գտել ու ուղևորին են վերադարձրել կորցրած 5000 ԱՄՆ դոլարը, հայտնում է «Զվարթնոցի» Facebook-յան էջը։
Տեղեկությունը Sputnik Արմենիայի հետ զրույցում հաստատեցին օդանավակայանի մամուլի ծառայությունից, հավելելով միայն, որ ուղևորն արական սեռի է եղել։
Օդանավակայանի ավիացիոն անվտանգության անձնակազմը հորդորում է առավել ուշադիր լինել անձնական իրերի նկատմամբ։
Հիշեցնենք, որ օգոստոսի 2–ին էլ Երևանի օդանավակայանում ոստիկաններն ու անվտանգության ծառայության աշխատակիցները հայտնաբերել էին խոշոր գումարով դրամապանակ։
ԵԱԶԲ–ն քննարկում է «Զվարթնոց» օդանավակայանում ներդրումների նախագիծը
Դրանում եղել էր ավելի քան 1000 դոլար, 29 000 դրամ և Արաբական Միացյալ Էմիրությունների 915 դիրհամ։
Ոստիկանության ծառայողները պարզել են դրամապանակի տիրոջ ինքնությունը, որն արդեն Երևան-Դուբայ չվերթով մեկնել է Հայաստանից։
Կապ էր հաստատվել նրա հետ, որից հետո դրամապանակը կորցրած անձի ազգականը հրավիրվել էր ոստիկանության «Զվարթնոց» օդանավակայանի գծային բաժին և ստացել դրամապանակը՝ ողջ պարունակությամբ։
Եվ՛ դրամապանակը կորցրած անձը, և՛ այն ստացած ազգականը շնորհակալություն են հայտնել ոստիկանության և ավիացիոն անվտանգության աշխատակիցներին բարեխիղճ ծառայության համար։
