ԵՐԵՎԱՆ, 11 հոկտեմբերի — Sputnik. Աբխազական երկաթուղով բեռնափոխադրումներ իրականացնելը հասունանում է։ Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ այս մասին ասաց ԱՊՀ երկրների ինստիտուտի փոխտնօրեն Վլադիմիր Ժարիխինը։
Հոկտեմբերի 9–ին հայտնի դարձավ, որ Աբխազիայի իշխանությունը չեղարկել է Վրաստանի սահմանը հատելու ժամանակավոր սահմանափակումները, որոնք սահմանվել էին` ելնելով անվտանգության նկատառումներից։
«Հեռանկարում անհնար ոչինչ չկա։ Ի վերջո, Վրաստանի տարածքով խողովակի տեսքով մի «ճանապարհ» կա», – ասաց Ժարիխինը` պատասխանելով Sputnik Արմենիայի հարցին։
Նրա խոսքով` եթե գազ անցում է, ապա պետք է նաև վագոններ անցնեն։ Թեև ավելի բարդ է պատկերացնել, թե ինչպես է աշխատելու երկաթուղային ուղևորատար երթևեկությունը։
«Բայց ինձ թվում է, որ բեռնափոխադրումներն աստիճանաբար հասունանում են։ Չեմ կարծում, որ առաջիկա 1-2 տարիներին, բայց... Ուղևորների դեպքում ավելի բարդ կլինի», – ասաց Ժարիխինը։
Հարավկովկասյան երկաթուղու ուղևորահոսքն աճել է 11 տոկոսով
2017թ–ի ամռանը ՌԴ արտգործնախարարի տեղակալ Գրիգորի Կարասինը և Վրաստանի հատուկ ներկայացուցիչ, դեսպան Զուրաբ Աբաշիձեն պայմանավորվել էին ձեռնամուխ լինել 2011թ–ին Ռուսաստանի և Վրաստանի միջև ստորագրված «Առևտրային միջանցքների մասին» համաձայնագրի իրագործմանը, որն ուղղակիորեն վերաբերում է Հարավային Օսեթիայի և Աբխազիայի տարածքով առևտրային հաղորդակցությանը։
Ադրբեջանում անհանգիստ են. Իրանը հետաքրքրված է դեպի Հայաստան երկաթգծի կառուցմամբ
