ՀՀ պետական կառավարման ակադեմիայի կառավարման հոգեբանության ամբիոնի վարիչ, հոգեբանության պրոֆեսոր Ռուբեն Աղուզումցյանը Sputnik Արմենիայի հետ զրույցում անդրադարձել է Կառավարման ակադեմիայի 25-ամյակին նվիրված «Կառավարման ժամանակակից հիմնախնդիրները» խորագրով միջազգային գիտաժողովի աշխատանքներին, ակադեմիայի և միջազգային գործընկերների հետ փոխհարաբերություններին, ինչպես նաև հոգեբանության ոլորտին առնչվող որոշ խնդիրների:
Հոգեբանության պրոֆեսորի տեղեկացմամբ՝ արագ զարգացող հասարակության ներսում գանալով ավելի արդիական են դառնում մարդկային գործունեության կարևոր ոլորտին՝ կառավարմանը ներկայացվող պահանջները, քանի որ նշված գործունեությունն աստիճանակարգված է, ունի համակարգային բնույթ և սպեցիֆիկ առանձնահատկություններ:
Կոտրելով կարծրատիպերը. ինչերի միջով է անցել հատուկ հոգեբան Նարեն ու ինչ է ուզում կյանքից
Ռուբեն Աղուզումցյանը շատ է կարևորում նաև կառավարչին ներկայացվող ժամանակակից հոգեբանական չափորոշիչները, մասնագիտական կրթությունը, փորձառությունը և նույնիսկ հումորի զգացումը, որը հաճախ կարևոր դերակատարություն ունի աշխատավայրում կոնֆլիկտային իրավիճակները հարթելու գործում:
«Ժողովրդի վիճակը հիմնականում կախված է կառավարումից»,- նշել է Ռուբեն Աղուզումցյանը՝ անդրադառնալով նաև կառավարման համակարգում առկա բացթողումներին ու կառավարման առավելություններին:
Հաղորդման շրջանակում հոգեբանության պրոֆեսորը մատնանշել է նաև փորձի փոխանակումը արտասահմանյան գործընկերների ու մասնագիտացված հաստատությունների միջև, ինչը կենսական նշանակություն ունի որակյալ կադրեր պատրաստելու գործընթացում:
«Հայաստանի քաոտիկ վիճակը գալիս է իշխանությունից». հոգեբան Միհրդատ Մադաթյան
