ԵՐԵՎԱՆ, 12 հոկտեմբերի – Sputnik. Ամերիկյան Նոր Օռլեան քաղաքում կառուցվող Hard Rock հյուրանոցի մի մասը փլուզվել է։ Այս մասին հաղորդում է DailyMail-ը։
Միջադեպը տեղի է ունեցել հոկտեմբերի 12-ին Կանալ սթրիթում, որը քաղաքի կենտրոնը պայմանականորեն բաժանում է ամերիկյան և ֆրանսիական հատվածների։
HARD ROCK HOTEL COLLAPSE: Images from David Donze. More information to come. pic.twitter.com/avLf1IAvmi
— WWL-TV (@WWLTV) 12 октября 2019 г.
Նախնական տվյալների համաձայն` շենքի փլուզման հետևանքով ավելի քան մեկ տասնյակ մարդ է տուժել։ Նրանց շտապ տեղափոխել են տեղի կլինիկաներից մեկը։
Ինչպես հայտնում են ԶԼՄ–ները, հյուրանոցը պետք է շահագործման հանձնեին հաջորդ գարնանը։ Համացանցում հայտնվել են լուսանկարներ և տեսաձայնագրություններ դեպքի վայրից։
Կադրերում երևում է, թե ինչպես է շինությունը փլվել հաշված վայրկյանների ընթացքում։ Դեպքի հանգամանքները պարզվում են։
