Ինչպես լինել հարուստ և երջանիկ. հայ դպրոցականներին ցույց կտան VR/AR հնարավորությունները

© Sputnik / Asatur YesayantsПосле занятий
После занятий - Sputnik Արմենիա
Բաժանորդագրվեք
НовостиTelegram
Միջոցառումների ժամանակ մասնակիցները դասախոսություն կլսեն վիրտուալ և լրացված իրականության տեխնոլոգիաների զարգացման հեռանկարների մասին, կկարողանան մասնակցել վարպետության դասընթացների։

ԵՐԵՎԱՆ, 15 հոկտեմբերի – Sputnik. Հայ դպրոցականները երկու օրվա ընթացքում` հոկտեմբերի 15-ին և 16-ին, «Վիրտուալ և լրացված իրականության օրեր» կրթական նախագծի շրջանակում կկարողանան դասախոսություններ լսել և գործնական առաջադրանքներ կատարել ծրագրավորման, VR/AR նախագծերի ստեղծման վերաբերյալ։

Центр развития для детей Крест армянского единства в Эчмиадзине. - Sputnik Արմենիա
Որպեսզի երկիրը չլքեն. Էջմիածնում երեխաների համար համակարգչային դասընթացներ են կազմակերպում

«Աշխարհագրությունը մեծ է` վեց երկիր։ Առաջինը Հայաստանն է, և մենք ուրախ ենք դրա համար»,– Sputnik  Արմենիա մուլտիմեդիոն մամուլի կենտրոնում նշեց «Կրթական նորարարությունների ոլորտում պրոֆեսիոնալների» միության կրթական նախագծերի ղեկավար Եվգենի Անտոնովը։

Նրա խոսքով` դպրոցականները և ոչ միայն նրանք կկարողանան բոլորովին անվճար մասնակցել միջոցառումներին, որոնք կանցկացվեն Երևանի «Քվանտ» և Գյումրու «Ֆոտոն» վարժարաններում։ Կրթական մասից բացի, ծրագրի մասնակիցները հնարավորություն կստանան աշխատելու 3D մոդելի ստեղծման վրա, ուղարկել մրցույթի և արժեքավոր մրցանակներ ստանալ։

Լսարանի ուսումնասիրման կենտրոնի, «Ռոսիա սեգոդնյա» ՄՏԳ նոր մեդիաների տնօրինության ղեկավար Աննա Ռուդիցերն իր հերթին պատմեց, որ նախագծի իրականացման ժամանակ գործակալությունը կադրային խնդիր է ունեցել, քանի որ լրագրողական կոնտենտի և խաղերի մշակողները միշտ չէ, որ հասկանում էին, թե ինչպես են աշխատում երկու ինդուստրիաները։

© Sputnik / Asatur Yesayants«Վիրտուալ և լրացված իրականության օրեր» կրթական նախագծի անդամների ասուլիսը
Ինչպես լինել հարուստ և երջանիկ. հայ դպրոցականներին ցույց կտան VR/AR հնարավորությունները - Sputnik Արմենիա
«Վիրտուալ և լրացված իրականության օրեր» կրթական նախագծի անդամների ասուլիսը

Ինքնուս դպրոցականը համակարգչային մարտախաղ է ստեղծել

Նախագիծը կարևոր է հենց նրանով, որ օգնում է դպրոցականներին ուսումնասիրել ոլորտը և իրենց ինքնազարգացման հեռանկարները, կարծում է նա։

«Մենք կպատմենք, թե ինչպիսին կարող է լինել ապագայի մասնագիտությունը, ինչով նրանք կկարողանան զբաղվել, ինչ է պետք գործատուին, ինչպես ենք փոխգործակցում թիմի ներսում, և ցույց կտանք նախագծերը. գուցե նրանք ոգեշնչվեն», – նշեց նա։

«Կիբեռ երկիր» վարչության նախագահ Ռոման Պովոլոցկին խնդիր է դնում ոչ թե զարմացնել երեխաներին, այլ ոգեշնչել։ Նա նշեց, որ ինքն էլ խաղեր խաղացող դեռահաս է եղել, և դա օգնում է իրեն ընդհանուր լեզու գտել երեխաների հետ։ Պովոլոցկին նկատեց, որ համակարգչային խաղերի, վիրտուալ իրականության և արհեստական բանականության շուկան նոր է ձևավորվում։

Նրա խոսքով` եթե երեխաները ներգրավված լինեն գործընթացի մեջ այսօր` ապագայում պահանջված մասնագետներ կդառնան։

Премьер-министр Армении Никол Пашинян, Анна Акопян и министр культуры Лилит Макунц на красной дорожке 15-го кинофестиваля Золотой абрикос (8 июля 2018). Еревaн - Sputnik Արմենիա
Ինչպե՞ս երեխաներին շեղել համակարգչային խաղերից. մշակույթի նախարարության ողջունելի նախագիծը

«Նրանց առջև բարդ խնդիր է դրված. ինչ դառնալ։ Ուզում եմ պատմել` ինչպես երջանիկ մարդ լինել, հաճույք ստանալ աշխատանքից և լավ վարձատրվել։ Հայաստանը հիանալի երկիր է, որտեղ երեխաները չեն տարբերվում ամբողջ աշխարհի երեխաներից, և կարող են ամենաժամանակակից կրթությունը ստանալ», – ընդգծեց նա։

Նշենք, որ «Վիրտուալ և լրացված իրականության օրեր» նախագիծն իրականացվում է ԱՊՀ և այլ երկրներում բնակվող մեր հայրենակիցների և միջազգային մարդասիրական համագործակցության գործերով դաշնային գործակալության (Ռոսսոտրուդնիչեստվո) դրամաշնորհի հաշվին։ Նախագիծը «Ռոսիո սեգոդնյա» ՄՏԳ–ի և «Կիբեռ երկիր» ավտոնոմ ոչ կոմերցիոն կազմակերպության հետ համատեղ կյանքի է կոչում «Կրթական նորարարությունների ոլորտում պրոֆեսիոնալների» միությունը։

Լրահոս
0