«Ախպեր ջան, մի վախի. ես քո հետ եմ թռնում». ինչպես մի կատակն աստղ դարձրեց օդաչու Մկրտչյանին

© Photo : provided by Artur MkrtchyanПилот Артур Мкртчян
Пилот Артур Мкртчян - Sputnik Արմենիա
Ռուսաստանում բնակվող հայ օդաչուն, որի մասին տեսանյութը շատ արագ տարածվեց համացանցում, Sputnik Արմենիային մի քանի զվարճալի պատմություն է պատմել։

ԵՐԵՎԱՆ, 22 հոկտեմբերի — Sputnik, Նանա Մարտիրոսյան. Ռուսական ավիաընկերության օդաչու Արթուր Մկրտչյանն աշխատանքի ժամանակ սիրում է կատակել, իսկ երբեմն աշխարհի տարբեր կետեր թռչող իր ուղևորներին պատմում է հարազատ Հայաստանի մասին։ Շատերն Արթուրի մասին իմացան օրեր առաջ, երբ Sputnik Արմենիան հրապարակեց մի տեսանյութ, որում օդաչուն զվարճալի ուղերձով էր դիմել ուղևորներին։ Տեսանյութը տարածվեց համացանցում ու բազում դրական հույզեր պարգևեց։ Արթուրը դա հասկացել է` դատելով ընկերների ու ծանոթների հեռախոսազանգերից։

«Ամենաշատը հարցնում էին` հաստա՞տ ինձ չեն պատժի դրա համար, իսկ ընկերս կատակեց, թե գուցե հիմա հարսնացու գտնեմ», – ասաց նա։

30 տարեկան Արթուրը ռուսական ավիաընկերության հրամանատար է ու հրահանգիչ։ Ինչպես լինում է շատ օդաչուների դեպքում, երկնքի հանդեպ սերը նրա երակներով է հոսում. հայրը նույնպես «երկնքի մարդ» է եղել ու տարիներ շարունակ աշխատել հայկական ավիացիայում։ Արթուրը 16 տարի առաջ Ուլյանովսկ է տեղափոխել, կրթություն ստացել ու արդեն տևական ժամանակ է` սիրած գործով է զբաղվում։ Նա ցանկացել է Հայաստանում աշխատանքի անցնել, բայց չի ստացվել։

© Photo : provided by Artur MkrtchyanԱրթուր Մկրտչյան
«Ախպեր ջան, մի վախի. ես քո հետ եմ թռնում». ինչպես մի կատակն աստղ դարձրեց օդաչու Մկրտչյանին - Sputnik Արմենիա
Արթուր Մկրտչյան

Օդաչուն բազում հետաքրքիր պատմություններ ունի։ Հիշում է` մի անգամ ինքնաթիռում մի հայ կար, որն անչափ վախենում էր թռիչքից։ Տղամարդը խուճապի էր մատնվել, նրան թվում էր, թե շարժիչից ձայն է գալիս։ Նույնիսկ սկսել էր համոզել մյուս ուղևորներին, որ հրաժարվեն թռիչքից, ու պահանջում էր, որ օդաչուն թռիչքի անվտանգության երաշխիքներ ներկայացնի։ Արթուրը ստիպված էր միջամտել։ Նա ողջունեց ուղևորներին, հետո անուն ազգանունով դիմեց տղամարդուն ու հայերեն ասաց. «Ախպեր ջան, մի վախի. ես քո հետ եմ թռնում»։

© Photo : provided by Artur MkrtchyanԱրթուր Մկրտչյան
«Ախպեր ջան, մի վախի. ես քո հետ եմ թռնում». ինչպես մի կատակն աստղ դարձրեց օդաչու Մկրտչյանին - Sputnik Արմենիա
Արթուր Մկրտչյան

«Բոլոր ուղևորները ծիծաղեցին, տղամարդը հանգստացավ, ու մենք թռանք», – պատմեց օդաչուն։

Եթե ոչ օդաչու, ապա թող գոնե ավիաընկերության սեփականատեր. երբ «հիվանդանում» ես երկնքով

Արթուրը կարծում է, որ հայերը բոլորից շատ են վախենում թռիչքից, բայց երբ իմանում են, որ օդաչուն հայ է, կարծես հանգստանում են։ Մի անգամ նրա ընկերն էլ է եղել ինքնաթիռում։ Վայրէջքից հետո Արթուրին պատմել է, որ ուղևորները հանգիստ շունչ են քաշել, երբ իմացել են, որ ինքնաթիռի ղեկի դիմաց հայ է նստած։

© Photo : provided by Artur MkrtchyanԱրթուր Մկրտչյան
«Ախպեր ջան, մի վախի. ես քո հետ եմ թռնում». ինչպես մի կատակն աստղ դարձրեց օդաչու Մկրտչյանին - Sputnik Արմենիա
Արթուր Մկրտչյան

«Ուղևորներն ասում էին` օդաչուն հայ է, ուրեմն ողջ–առողջ տեղ կհասնենք», – ասել է ընկերը։

Ի դեպ, Արթուրն արդեն սովոր է, որ վայրէջքից հետո հայերը ծափահարում են, նա կարծում է, որ դա «զուտ հայկական ավանդույթ» է։ Ինքն էլ է հետևում հայկական ավանդույթներին, օրինակ` ընկերների ու բարեկամների համար կապոցներ է տանում մի երկրից մյուսը։ Հրամանատար Մկրտչյանը խոստովանում է` դա անում է սիրով ու հաճույքով։

© Photo : provided by Artur MkrtchyanԱրթուր Մկրտչյան
«Ախպեր ջան, մի վախի. ես քո հետ եմ թռնում». ինչպես մի կատակն աստղ դարձրեց օդաչու Մկրտչյանին - Sputnik Արմենիա
Արթուր Մկրտչյան

Նա ասաց «այո». օդաչուն սիրելիին առաջարկություն է արել հենց ինքնաթիռում. տեսանյութ

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала