Фон для радио  - Sputnik Արմենիա
ՌԱԴԻՈ

Պարսյան․ «Կառավարությունը պետք է պարտադրի մենաշնորհ ունեցողներին դառնալ բաժնետիրական»

© Sputnik / Mikhail ChernyakhovskyСурен Парсян
Сурен Парсян - Sputnik Արմենիա
Տնտեսագետ Սուրեն Պարսյանը Sputnik Արմենիայի հետ զրույցում անդրադարձել է Համաշխարհային բանկի հրապարակած «Doing Business 2020» զեկույցին., ինչու՞ է հետընթաց գրանցել մեր երկիրը և ի՞նչ քայլեր պետք է անի Հայաստանը դիրքերը բարելավելու համար։
Պարսյան․ «Կառավարությունը պետք է պարտադրի մենաշնորհ ունեցող ընկերներին դառնալ բաժնետիրական»

Տնտեսագետ Սուրեն Պարսյանը նշել է, որ «Doing Business»-ում այս անգամ հաշվի է առնվել նոր ցուցանիշ, որը բացասաբար է ազդել Հայաստանի գնահատականի վրա՝ դա բորսայի կայացած լինելու մակարդակն է։ «Նրանք ուսումնասիրել են՝ արդյո՞ք Հայաստանում փոքր բաժնետերերը պաշտպանված են, և թե մեր բորսայում որքան բաժնետերեր են ներգրավված»,–ասում է Պարսյանը։

Пресс-конференция и.о. премьер-министра Армении Никола Пашиняна (20 ноября 2018). Еревaн - Sputnik Արմենիա
Doing Business–ի զեկույցում Հայաստանի դիրքը վատթարացել է. Փաշինյանը հետաքրքրվեց` ինչու

Ըստ ՀԲ մեթոդաբանության՝ մեր բորսայում պետք է 10-ից ավելի տեղաբաշխող կամ թողարկող կազմակերպություն գործեր, որը թույլ կտար Հայաստանին իր դիրքն այդ մասով բարելավել։  Բոլոր երկրներին գնահատել են նույն ցուցիչով։  Օրինակ` Վրաստանում ֆիքսել են 263 կազմակերպություն, որոնք ներգրավված են բորսայում, իսկ Հայաստանի պարագայում՝ 3 ընկերություն է եղել, մինչդեռ  բավարար լինելու համար անհրաժեշտ է 10-ը։ 

Պարսյանի գնահատմամբ՝ սա լուրջ ահազանգ պետք է լինի կառավարության համար, և կառավարությունը պետք է նախաձեռնի մի շարք օրենսդրական փոփոխություններ, որը կխրախուսի փոքր բաժնետերերի շուկան։ 

«Կառավարությունը պետք է պարտադրի մենաշնորհ ունեցող կազմակերպություններին դառնալ բաժնետիրական և իրենց բաժնետոմսերը 1/3-ի չափով հանեն բորսայում վաճառքի»,-ասում է տնտեսագետը։

Стройка - Sputnik Արմենիա
Հարկեր և ոչ միայն. ի՞նչն է բարելավել Հայաստանի դիրքերը Doing Business-2019 վարկանիշում

Պարսյանը նշում է, որ դա թույլ կտա, որ մենաշնորհ ունեցող ընկերությունները վերաբաշխվեն, ինչպես նաև հասարակական վերահսկողություն կլինի այդ գերիշխող դիրք ունեցող կազմակերպությունների նկատմամբ։

Ըստ Պարսյանի՝ սա շատ լուրջ հեղափոխական քայլ կլինի, և կառավարությունը ուշ թե շուտ պետք է գնա այս քայլին՝ պարտադրելով , որ մեր մենաշնորհները դառնան բաժնետիրական և բաժնետոմսերը լինեն բորսայում, ինչը թույլ կտա ավելի մեծ վերահսկողություն իրականացնել և  եկամուտները վերաբաշխել։ 

Հիշեցնենք, որ Համաշխարհային Բանկի «Doing Business 2020» զեկույցում ներառված են 190 երկիր։  Հայաստանն արդեն  2-րդ տարին է` վարկանիշում զիջում է Ադրբեջանին։ Հարևան երկրներից ամենալավ դիրքում Վրաստանն է` նա տասնյակում  7-րդ տեղում է:

Զեկույցում Հայաստանի դիրքն վատթարացրել է 6 կետով. այս տարի մեր երկիրը  47-րդ տեղում է: Թուրքիան՝ 33-րդն է, Իրանը՝ 127-րդը:

ԵԱՏՄ երկրներից Ղազախստանը 25-րդն է, Ռուսաստանը՝ 28-րդը, Բելառուսը՝ 49-րդը, Ղրղըզստանը՝ 80-րդը։

 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала