Կրթության բյուջեն կավելանա, գիտությանը և մշակույթինը` ոչ

© Sputnik / Aram NersesyanКлассная комната в средней школе села Птхунк
Классная комната в средней школе села Птхунк - Sputnik Արմենիա
Բաժանորդագրվեք
НовостиTelegram
Սպորտին և երիտասարդության հարցերին 2020թ.–ին կհատկացվի 4 մլրդ դրամ. 2019թ.-ի համեմատ ֆինանսավորման մեջ գրեթե փոփոխություն չկա։

ԵՐԵՎԱՆ, 31 հոկտեմբերի – Sputnik. Կրթության ոլորտի բյուջեն ավելացել է, փոխարենը գրեթե նույնն է մնացել գիտության և մշակույթի ոլորտներին հատկացվող գումարները։ Այս մասին այսօր ԱԺ–ում 2020 թվականի պետբյուջեի նախագծի քննարկման ժամանակ ասաց ՀՀ ֆինանսների նախարար Ատոմ Ջանջուղազյանը։

«Հայաստանի կրթության, գիտության, մշակույթի և սպորտի նախարարությանը 2020թ.–ին կհատկացվի մոտ 179 մլրդ 500 մլն դրամ։ Այդքան գումար է հատկացվում` հաշվի առնելով կառավարության կառուցվածքի բարեփոխումը և գերատեսչության լիազորությունների ընդլայնումը»,–ասաց նա։

Նրա խոսքով` կրթության ոլորտին հատկացվելու է՝ 145 մլրդ դրամից մի փոքր ավելի գումար, ինչը 20 մլրդ-ով ավելի է, քան 2019-ին հատկացված գումարը։ Գիտությանը հատկացվող գումարն էլ, ըստ նախարարի, կկազմի 12.6 մլրդ, որը 2018թ.–ի համեմատ չի փոխվել։

Село Бджни, Котайк - Sputnik Արմենիա
Գյուղերը գիշերային լուսավորություն, կոյուղի ու գազ կունենան

Ինչ վերաբերում է մշակույթի ոլորտին, ապա 2020թ.–ին կհատկացվի 15,2 մլրդ դրամ, ինչը մի փոքր քիչ է, քան 2019թ.-ին։

«Սպորտին և երիտասարդության հարցերին 2020թ.–ին կհատկացվի 4 մլրդ դրամ։ Եթե համեմատենք 2019թ.-ի հետ, ֆինանսավորման մեջ գրեթե փոփոխություն չկա»,- ասաց նախարարը։

Ովքե՞ր են սովորում Երևանի հատուկ դպրոցներում. 60 տոկոսը հատուկ պայմանների կարիք չունեն

Հիշեցնենք, որ Sputnik Արմենիան ավելի վաղ ավելի տեսանելի` ինֆոգրաֆիկայի միջոցով ներկայացրել էր, թե որ ոլորտին որքան գումար է հատկացվելու 2020թ.–ին։

Լրահոս
0