«Մեզ դեսուդեն են տշում, որ չարանանք Փաշինյանի դեմ». կոնդեցիների բողոքի ակցիան 1 ժամ տևեց

© Sputnik / Andranik GhazaryanАкция протеста перед Домом правительства (12 июня 2019). Еревaн
Акция протеста перед Домом правительства (12 июня 2019). Еревaн - Sputnik Արմենիա
Բաժանորդագրվեք
НовостиTelegram
Երևանի Կոնդ թաղամասի բնակիչները հավաքվել էին կառավարական առանձնատան դիմաց ու վարչապետի հետ հանդիպում էին պահանջում։ Նրանց խոստացան, որ Փաշինյանի հետ հանդիպումը կլինի եկող շաբաթ։

ԵՐԵՎԱՆ, 31 հոկտեմբերի — Sputnik. Երևանի Կոնդ թաղամասի բնակիչներն այսօր բողոքի ակցիա անցկացրին ՀՀ վարչապետ Նիկոլ Փաշինյանի առանձնատան դիմաց։ Կոնդեցիները վստահեցնում էին, որ իրենց պահանջներն անտեսվում են, ու նրանք Փաշինյանի հետ հանդիպում էին պահանջում։

Дом в квартале Конд - Sputnik Արմենիա
Կոնդը կարող է հայկական Մալագա դառնալ. Երևանի գլխավոր ճարտարապետ

«Մեզ գնդակի նման դեսուդեն են տշում։ Նրանք դիտմամբ չեն անում իրենց աշխատանքը, որպեսզի ժողովուրդը չարանա Փաշինյանի դեմ։ Բայց դա անհնար է։ Մենք հույս ենք դնում միայն նրա վրա»,– լրագրողների հետ զրույցում ասաց Կոնդի բնակիչներից մեկը։

Բանն այն է, որ տարիներ շարունակ քննարկվում է Կոնդի բնակիչներին բազմաբնակարան շենքեր տեղափոխելու հարցը։ Կոնդեցիները մտավախություն ունեն, որ փոխանակումը կարող է անհամաչափ լինել, քանի որ նրանց տների չափագրումները չեն համապատասխանում իրականությանը. թաղամասը մայրաքաղաքի կենտրոնում է, իսկ այստեղ տարածքները շատ թանկ են։

«Մենք հաշվել ենք, որ կադաստրը ընդհանուր առմամբ «կերել» է 7000 քառակուսի մետր։ Օրինակ` իմ տեպքում չեն հաշվել ներքին բակի տարածքը», – ասաց Կոնդի մեկ այլ բնակիչ։

Կոնդեցիները Պռոշյան փողոցում մնացին մոտ մեկ ժամ։ Նրանց հետ հանդիպեց վարչապետի օգնական Սուրեն Ղամբարյանը։

«Հաջորդ չորեքշաբթի Կոնդի հարցով բոլոր շահագրգիռ անձինք կհրավիրվեն կառավարություն», – հավաքվածներին ասաց նա։

Ցուցարարներն այդ հայտարարությունից հետո մի քիչ հանգստացան, իսկ բողոքի ակցիայի մասնակիցներից մեկը նախազգուշացրեց. «Եթե հանդիպումը չկայանա, մենք ամեն հինգշաբթի հավաքելու ենք այստեղ»։

Կոնդի բնակիչները արդարություն են փնտրում. նրանք հանդիպել են կառավարության ներկայացուցչին

Կոնդը «Հին Երևանի» վերջին պահպանված թաղամասն է։ Գտնվում է քաղաքի կենտրոնում, բայց մայրաքաղաքից առանձնացված է։ Երևանի գլխավոր ճարտարապետ Արթուր Մեսչյանը խոստովանել է, որ նա ճիշտ էր համարում XIX դարի վերջի XX դարի սկզբի հայկական մայրաքաղաքի ճարտարապետական տեսքը վերականգնելու «Հին Երևան» նախագծի իրականացումը հենց Կոնդում, քանի որ այս տարածքում են պահպանվել ամենաշատ հին շենքերը, որոնք կարելի է վերակառուցել և օգտագործել տարբեր նպատակներով։

«Հին Երևանը» 2–րդ սերիա կունենա. իշխանությունը համուհոտը վերադարձնելու նոր տարբերակ ունի

Լրահոս
0