ԵՐԵՎԱՆ, 3 նոյեմբերի-Sputnik. Մահվան ելքով ավտոպատահար է տեղի ունեցել Արցախի Հանրապետությունում: Այս մասին տեղեկացնում է ԱՀ Ոստիկանության մամուլի ծառայությունը:
Նոյեմբերի 2-ին ժամը 14:10-ի սահմաններում Ստեփանակերտ-Ասկերան ավտոճանապարհի 2-րդ կիլոմետրին իրար են բախվել Ասկերանի շրջանի բնակիչներ 27-ամյա Վ. Կ.-ի վարած «ՎԱԶ-21121» մակնիշի և 52-ամյա Գ. Պ.-ի վարած «ՎԱԶ-21061» մակնիշի ավտոմեքենաները:
Բախման հետևանքով Գ. Պ.-ն կլինիկական մահ և պոլիտրավմա ախտորոշմամբ տեղափոխվել է «Հանրապետական բժշկական կենտրոն», որտեղ ժամը 15:00-ին մահացել է:
Գավառում կրակահերթ են բացել ավտոմեքենայի վրա, կա զոհ. չի բացառվում վենդետայի վարկածը
«ՎԱԶ-21121» ավտոմեքենայի վարորդ Վ. Կ.-ն և 3 ուղևորները մարմնական վնասվածքներով տեղափոխվել են ԱՀ տարբեր բժշկական կենտրոններ:
Մասնավորապես, 27-ամյա վարորդն ու 2 ուղևորները՝ Ասկերանի շրջանի բնակիչներ 26-ամյա Ա. Ա.-ն և 23-ամյա Օ. Մ.-ն տեղափոխվել են Ստեփանակերտի զինվորական հոսպիտալ, իսկ 31-ամյա Դ. Մ.-ն մեջքի սալջարդ վնասվածքով՝ «Հանրապետական բժշկական կենտրոն»:
Դեպքի հանգամանքները պարզում է ԱՀ Քննչական կոմիտեն:
