ԵՐԵՎԱՆ, 10 նոյեմբերի — Sputnik. Ռուսաստանի արտաքին գործերի նախարար Սերգեյ Լավրովը արդեն Երևանում է։
Այս պահին Հայաստանի ազգային պատկերասրահում ՀՀ և ՌԴ արտգործնախարարներ Զոհրաբ Մնացականյանն ու Սերգեյ Լավրովը մասնակցում են Հայրենական մեծ պատերազմի հաղթանակի 75 ամյակին նվիրված ցուցահանդեսին։
Ինչպես արդեն տեղեկացրել էինք, նոյեմբերի 8–ի իր ճեպազրույցում Ռուսաստանի արտգործնախարարության խոսնակ Մարիա Զախարովան հայտնել էր, որ ՌԴ նախարարի հայաստանյան այցի ծրագիրը ներառում է հանդիպումներ ՀՀ վարչապետի և պետության նախագահի հետ, բանակցություններ արտաքին գործերի նախարարի հետ: Նախարարը նաև ծաղկեպսակ կդնի Հայոց ցեղասպանության զոհերի հիշատակին նվիրված հուշահամալիրի հավերժական կրակի մոտ։
Բանակցությունների ընթացքում արտգործնախարարները կքննարկեն երկկողմ համագործակցության հարցերի լայն շրջանակ ԵԱՏՄ-ի, ՀԱՊԿ-ի, ԱՊՀ-ի միջև համագործակցությունը, ՄԱԿ-ում, ԵԱՀԿ-ում, ԵԽ-ում, ՍԾՏՀ-ում և միջազգային այլ ֆորումներում դիրքորոշումների համակարգման հարցերը: Կողմերը կանդրադառնան նաև տարածաշրջանային անվտանգության հարցերին՝ ներառյալ Ղարաբաղյան կարգավորման հեռանկարներին։
Ինչ–որ աղբյուրներ դուրս են հանում տեղեկություներ ու ստեղծում անտեղի քամի. Մնացականյան
