ԵՐԵՎԱՆ, 14 նոյեմբերի — Sputnik. Եվրոպական միության և ԵԱՏՄ միջև գործարկվել է տեխնիկական երկխոսության առաջին ուղին։ Դրա մաս են կազմում ԵԱՏՄ–ում ընդունած ակտերը բիզնես–հանրության, ասոցիացիաների վերաբերյալ, այդ թվում` եվրոպական, որոնք աշխատում են հինգ երկրների շուկայում։ Այդ մասին հայտարարել է Եվրասիական տնտեսական հանձնաժողովի կոլեգիայի նախագահ Տիգրան Սարգսյանը ՌԲԿ–ին տված հարցազրույցում։
«Մենք նման նամակներ և մեկնաբանություններ ենք ստանում Եվրոպական հանձնաժողովից, որն արտահայտում է իր դիրքորոշումը այս կամ այն որոշումների նախագծերի վերաբերյալ, քանի որ դրանք շոշափում են եվրոպական բիզնեսի շահերը», – ասաց նա։
Ռուսաստանում ինտերնետի մասին նոր օրենքը կազդի՞ ԵԱՏՄ–ի վրա. Սարգսյանը բացել է փակագծերը
Եվրոպական հանձնաժողովի մասնագետներն աշխատում են ԵԱՏՄ մասնագետների հետ, հանդիպումներ են կազմակերպվում պաշտոնատար անձանց միջև։ Նման համագործակցությունը տալիս է իր արդյունքները։ Եվրամիությունում արդեն սկսել են հասկանալ, որ Եվրասիական միությունը զուտ տնտեսական միավորում է։
Տիգրան Սարգսյանն ասել է` որ դեպքում կչեղարկվի ռոումինգը ԵԱՏՄ–ում
Սարգսյանի խոսքով` նա բազմիցս ամենատարբեր միջազգային համաժողովներում և հարթակներում խոսել է այն մասին, որ ԵԱՏՄ–ն ոչ մի կապ չունի Մինսկի համաձայնագրերի հետ, և քաղաքական օրակարգը միության շահերի ոլորտից դուրս է։
«Մենք զուտ տնտեսական միավորում ենք, մեր մանդատի մեջ քաղաքական հարցեր չեն մտնում», – նշեց Սարգսյանը։
Նրա խոսքով` Եվրամիության գործընկերները հասկանում են այդ դիրքորոշումը, այնտեղ տեսնում են, որ ԵԱՏՄ–ն զբաղվում է բացառապես տնտեսական հարցերով։
