ԵՐԵՎԱՆ, 15 նոյեմբերի - Sputnik. Օլիմպիական չեմպիոն, աշխարհի եռակի, Եվրոպայի քառակի չեմպիոն հունահռոմեական ոճի ըմբիշ Արթուր Ալեքսանյանը նշանակվել է Հայաստանի Հանրապետությունում ՅՈՒՆԻՍԵՖ-ի ազգային դեսպան. պաշտոնական արարողությունը տեղի կունենա վաղը։
Ինչպես նշվում է ՄԱԿ-ի Մանկական հիմնադրամի տարածած հաղորդագրության մեջ արդեն ավելի քան կես դար ՅՈՒՆԻՍԵՖ-ի դեսպաններն աշխարհում ամենուրեք օգնում են երեխաներին և կանանց պաշտպանել իրենց իրավունքներն ու ավելի բարեկեցիկ ապրել:
Նախկինում այս պաշտոնը զբաղեցրել են Շառլ Ազնավուրն ու Ալլա Լևոնյանը։
Ալեքսանյանը ծնվել է 1991թ-ին Գյումրիում։ Նա 2016 թ-ին Ամառային Օլիմպիական խաղերի ոսկե, 2012 թ-ի Օլիմպիական խաղերի բրոնզե մեդալակիր է, Աշխարհի եռակի (2014, 2015, 2017), Եվրոպայի քառակի (2012, 2013, 2014, 2018), 2019 թ-ի Եվրոպայի և Հայաստանի բազմակի չեմպիոն է։
Արթուր Ալեքսանյանն իր ծննդյան տորթը կացնով է կտրել. տեսանյութ
Ալեքսանյանը 21-րդ դարի ամենաշատ մրցանակ ստացած մարզիկներից է, որը ստացել է «Սպիտակ արջ» մականունը:
