ԵՐԵՎԱՆ, 15 նոյեմբերի — Sputnik. Ատկատի մտադրություն ունեցող պաշտոնյաները դատվելու են` անկախ նրանից, թե որ քաղաքական թիմից են։ ԱԺ–ում բյուջեի նախագծի քննարկման ժամանակ այս մասին ասաց ՀՀ վարչապետ Նիկոլ Փաշինյանը` խոսելով կապիտալ ծախսերից։
«Անորակ աշխատանք չի ընդունվելու, ատկատի մտադրություն ու մեխանիզմ ունեցող պաշտոնյաները դատվելու են, նստելու են։ Բեկում, ներում չի լինելու: Որ քաղաքական թիմից ուզում է լինի, ով ուզում է լինի»,– ասաց Փաշինյանը։
Վարչապետը նշեց, որ շինարարական կազմակերպություններն այսօր պատրաստ չեն աշխատել կառավարության առաջադրած չափանիշներով։ Դրա հետևանքով 2019թ.-ին կապիտալ ծախսերը թերակատարվում են։
«Կապիտալ ծախսերը ՀՀ–ում միշտ եղել են պրոբլեմ, այնպես չէ, որ հեղափոխությունից հետո է առաջացել։ Հիմա ավելի ահագնացել է, որովհետև մենք համաձայն չենք ատկատներով աշխատել, մենք համաձայն չենք անորակ գործեր ընդունել, ու որքան մենք բարձր չափանիշներ ենք դնում, այնքան այդ փողերի ծախսերը դժվարանում են»,– ասաց Փաշինյանը։
«Բա հեղափոխությունը պոզով–պոչո՞վ է լինում». Փաշինյանն ասել է, թե ում կյանքը կվատանա
Վարչապետը նշեց, որ կառավարությունը գիտակցաբար վատացնում է կատարողականի ցուցանիշները, քանի որ անընդհատ լավացնում է աշխատանքի որակը։ Փաշինյանի դիտարկմամբ` իշխանությունը գնում է ոչ թե այսօրվա, այլ վաղվա ցուցանիշի հետևից։ Իսկ շինարարական կազմակերպությունները դեռ շարունակում են անորակ աշխատել, ինչի հետևանքով յուրաքանչյուր գործ 3 անգամ են անում` կառավարության պահանջած որակն ապահովելու համար։
Բյուջեն կընդունվի, կրճատումները` հետո. օպտիմալացումը պետական ապարատում կշարունակվի 2020–ին
