ԵՐԵՎԱՆ, 17 նոյեմբերի –Sputnik. Ռեփեր Քանյե Ուեսթը իր «Կիրակնօրյա ծառայություն» (Sunday Service) նախագծի շրջանակում համերգ է տվել Հյուսթոնի բանտում (Տեխաս)։ Այդ մասին հայտնում է TMZ–ն։
Երգիչը հանդես է եկել գոսփել–երգչախմբի հետ, համերգին, ընդհանուր առմամբ, մասնակցել է 100 երգիչ և երաժիշտ։ Ամբողջ միջոցառումը եկեղեցական ծառայության համատեքստում էր։
Պարբերականի աղբյուրը հայտնեց, որ Քանյեն բանտի ղեկավարությանն առաջարկել է համերգը նոյեմբերի 13-ին անցկացնել, սակայն այն տեղի է ունեցել նոյեմբերի 15-ին և շատերի համար անակնկալ դարձել։
Kanye West took the gospel to Prison by performing at Houston Area Jail. Whatever God is doing with this man, I want same in my life. 👏 ❤️ pic.twitter.com/YqAjKE8j3h
— Umeh and 99 others (@UmehWrites) 16 ноября 2019 г.
Նշվում է, որ բանտում կրոնական ուղղվածության միջոցառումներ հաճախ են անցկացվում։
Շերիֆ Էդ Գոնսալեսը փոխանցել է համերգի մասին ռեփերի խոսքերը. «Սա առաքելություն է, ոչ թե շոու»։
On this date, @kanyewest visits @HCSOTexas jail system. “This is a mission, not a show”- Kanye
— Ed Gonzalez (@SheriffEd_HCSO) 15 ноября 2019 г.
TMZ–ի տվյալներով` ռեփերն ու իր թիմը բանտում երկու ժամ են անցկացրել և հանդես եկել բանտարկյալ տղամարդկանց և կանանց համար, ինչպես նաև բանտի աշխատակիցների։ Նոյեմբերի 17-ին Քանյեն պլանավորում է ելույթ ունենալ նաև Հյուսթոնի «Լեյքվուդ» եկեղեցում և զրուցել հայտնի քարոզիչ և հեռուստահաղորդավար Ջոել Օսթինի հետ։
