ԵՐԵՎԱՆ, 22 նոյեմբերի — Sputnik. Նոյեմբերի 18-ի լուսադեմին «Էրեբունի» բժշկական կենտրոնից փախած դատապարտյալ 31–ամյա Արայիկ Սարգսյանին դեռ չեն գտել։ Այս մասին Sputnik Արմենիայի հետ զրույցում ասաց արդարադատության նախարարության քրեակատարողական ծառայության մամուլի խոսնակ Նոնա Նովիկյանը։
«Փախուստի դիմած կալանավորին դեռ որոնում են»,–ասաց նա։
ՀՀ արդարադատության նախարարի մամուլի խոսնակ Լուսինե Մարտիրոսյանն էլ հայտնեց, որ նախարարը ծառայողական քննություն է նշանակել։ Նրա խոսքով` քննությունը դեռ ընթացքի մեջ է, և քննության արդյունքներով աշխատանքից ազատումների դեպք չի եղել։
Նշենք, որ Sputnik Արմենիային որոշ մանրամասներ են հայտնի դարձել դեպքի մասին. բուժման մեջ գտնվող կալանավորին հսկել են «Նուբարաշեն» ՔՀԿ–ի երկու աշխատակից, որոնք, ըստ լուրերի, արդեն իսկ աշխատանքից ազատվել են։ Ինչ վերաբերվում է փախուստի դիմած անձին, ապա նրա կեղծանունը «Մաուգլի» է, և նա նախկինում 7 անգամ դատապարտված է եղել։
Հիշեցնենք, որ Նուբարաշենք ՔԿՀ–ի դատապարտյալ Արայիկ Սարգսյանն այս անգամ ազատազրկման էր դատապարտվել 6 տարի 6 ամիս ժամկետով՝ ՀՀ քրեական օրենսգրքի 177 հոդվածի 3-րդ մասով` գողության համար։
Սուրիկ Խաչատրյանին որոշել են կալանավորել
Քրեակատարողական ծառայության հաղորդագրության համաձայն` նրա արտաքին նկարագիրն է` հասակը մոտ 170սմ, ատլետիկ կազմվածքով, շագանակագույն աչքերով, լայն ճակատով, սև մազերով, հաստ շուրթերով, փռված, թեք քթով, պարանոցի ձախ հատվածում առկա է վնասվածք վիրակապով, հագին եղել է սև բլուզ, սև սպորտային հագուստ և հողաթափեր:
Նրան տեսնողներին կամ նրա գտնվելու վայրի մասին տեղեկություններ ունեցողները կարող են զանգահարել 1-02, 010-44-29-04 հեռախոսահամարներով կամ դիմել ոստիկանության մոտակա բաժին։ Տեղեկություն տրամադրող անձի գաղտնիությունը երաշխավորվում է։
