Ալեքսանդր Գրիգորյանը նշանակվեց «Ուրարտուի» գլխավոր մարզիչ

© Photo : official site of FC UrartuАлександр Григорян назначен главным тренером ФК "Урарту"
Александр Григорян назначен главным тренером ФК Урарту - Sputnik Արմենիա
«Ուրարտու» ֆուտբոլային ակումբի գլխավոր մարզչի տեղը թափուր մնաց ընդամենը մի քանի օր: Իլշատ Ֆայզուլինի հեռանալուց հետո ակումբը պայմանագիր է ստորագրել Ալեքսանդր Գրիգորյանի հետ:

ԵՐԵՎԱՆ, 25 նոյեմբերի — Sputnik.  Ռուսաստանցի մասնագետ Ալեքսանդր Գրիգորյանը նշանակվել է Երևանի «Ուրարտու» ֆուտբոլային ակումբի գլխավոր մարզիչ։ Ակումբը պայմանագիր է ստորագրել Գրիգորյանի հետ։ Այս մասին հայտնում է ակումբի մամուլի ծառայությունը։

Александр Григорян  - Sputnik Արմենիա
Իսկական գտածո. Ալեքսանդր Գրիգորյանն ուզում է հայրենի երկրի համար մի բան անել

Գրիգորյանը հոկտեմբերի 19-ին հրաժարական տվեց Ռուսաստանի Պրեմիեր լիգայում հանդես եկող «Տամբով» թիմի գլխավոր մարզչի պաշտոնից և վերադարձավ Հայաստան ու այժմ արդեն փորձելու է բարելավել «Ուրարտուի» արդյունքները:

Մարզչի` Հայաստանում աշխատելու հնարավորությունները կտրուկ մեծացան, երբ ՀՖՖ-ն հայտարարեց Հայաստանի ազգային հավաքականի գլխավոր մարզիչ Արմեն Գյուլբուդաղյանցի հրաժարականի մասին: Իր մարզչական գործունությունը հիմնականում Ռուսաստանում ծավալած Ալեքսանդր Գրիգորյանը նույնիսկ ժամանեց Հայաստան ու բանակցություններ վարեց ՀՖՖ-ի արդեն նախկին ղեկավարության հետ:

Sputnik Արմենիայի տեղեկություններով` Գրիգորյանն ու Հայաստանի ֆուտբոլի ֆեդերացիան այդ հարցում արդեն որոշակի համաձայնության եկել էին, բայց վերջին պահին ինչ-որ բան փոխվեց, ու Գրիգորյանը մեկնեց Հայաստանից: Հետո լուրեր տարածվեցին, որ նա գլխավորելու է «Փյունիկը», իսկ հիմա արդեն պարզ է, թե որտեղ է աշխատելու իր բնավորությամբ ու ելույթներով հայտնի մասնագետը:

«Ուրարտուն» բարձրագույն խմբի առաջնությունում ընթանում է ութերորդ տեղում, և լավագույն վեցնյակում հայտնվելու ու պայքարը չեմպիոնական մրցավազքում շարունակելու համար թիմին միավորներ են հարկավոր: Ահա այս «առաջադրանքն» էլ, ամենայն հավանականությամբ, հանձնարարվելու է Ալեքսանդր Գրիգորյանին:

Ի՞նչ գիտեն ՀՀ քաղաքացիները Արթուր Վանեցյանի հրաժարականի մասին. տեսանյութ

Հայ մասնագետը «Տամբովից» հեռանալուց հետո նշել էր, որ միգուցե ռուսական ակումբին ավելի հաջողակ մարզիչ է հարկավոր: Իհարկե, հաջողակ լինելը կարևոր գործոն է ֆուտբոլում, բայց առաջխաղացման միակ ճանապարհը չէ: Դժվար է մտածել, որ Գրիգորյանն իրեն անհաջողակ է համարում, բայց այն, որ նա կարողանում է թիմ կառուցել ու իր թիմերին խաղային ձեռագիր հաղորդել, փաստ է:

Президент ФФА Артур Ванецян перед началом финала Кубка Армении по футболу (8 мая 2019). Еревaн - Sputnik Արմենիա
Մեղավորը միայն Վանեցյա՞նն է, կամ երբ ԱԱԾ տնօրենն էր, ֆուտբոլում ամեն ինչ լա՞վ էր

Գրիգորյանի մարզչական կարիերան սկսվել է կանանց ֆուտբոլում։ Նա չորս անգամ Ռուսաստանի չեմպիոն է դարձել, խաղացել է կանանց Չեմպիոնների լիգայում, Պերմի «Զվեզդայի» հետ։

2009 թվականին Գրիգորյանը տեղափոխվել է «Նիժնի Նովգորոդ», որի հետ առաջին դիվիզիոնի երրորդ տեղն է զբաղեցրել։ Մինչ 2017 թվականի հունվարն Ալեքսանդրը Ֆուտբոլի ազգային լիգայում էր, իսկ հետո անցավ «Անժի»։ Այնուհետև նա տեղափոխվեց մոսկովյան «Արարատ», իսկ ավելի ուշ` «Լուչ Էներգիա»։

Գրիգորյանը եղել է «Տամբով» թիմի գլխավոր մարզիչը։ Այս տարվա հոկտեմբերի 19–ին նա հրաժարվեց այդ պաշտոնից Ռուսաստանի առաջնության 13-րդ տուրում «Ուրալի» հետ խաղից հետո։

Հիշեցնենք` Հայաստանի ֆուտբոլի հավաքականի գլխավոր մարզիչ Արմեն Գյուլբուդաղյանցը հրաժարական էր ներկայացրել հոկտեմբերի 18-ին։ Նա այդ պաշտոնը ստանձնել էր 2018 թվականի հոկտեմբերին։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала
Միջազգային
InternationalEnglishԱնգլերենMundoEspañolԻսպաներեն
Եվրոպա
DeutschlandDeutschԳերմաներենFranceFrançaisՖրանսերենΕλλάδαΕλληνικάՀունարենItaliaItalianoԻտալերենČeská republikaČeštinaՉեխերենPolskaPolskiԼեհերենСрбиjаСрпскиՍերբերենLatvijaLatviešuԼատիշերենLietuvaLietuviųԼիտվերենMoldovaMoldoveneascăՄոլդովերենБеларусьБеларускiԲելառուսերեն
Հարավային Կովկաս
ԱրմենիաՀայերենՀայերենАҧсныАҧсышәалаԱբխազերենХуссар ИрыстонИронауՕսերենსაქართველოქართულიՎրացերենAzərbaycanАzərbaycancaԱդրբեջաներեն
Մերձավոր Արևելք
Sputnik عربيArabicԱրաբերենTürkiyeTürkçeԹուրքերենSputnik ایرانPersianՊարսկերենSputnik افغانستانDariԴարի
Կենտրոնական Ասիա
ҚазақстанҚазақ тіліՂազախերենКыргызстанКыргызчаՂրղզերենOʻzbekistonЎзбекчаՈւզբեկերենТоҷикистонТоҷикӣՏաջիկերեն
Արևելյան և Հարավարևելյան Ասիա
Việt NamTiếng ViệtՎիետնամերեն日本日本語Ճապոներեն俄罗斯卫星通讯社中文(简体)Չինարեն (պարզեցված)俄罗斯卫星通讯社中文(繁体)Չինարեն (ավանդական)
Հարավային Ամերիկա
BrasilPortuguêsՊորտուգալերեն