«ՀՀ-ում չկա կտրուկ փոփոխություններ արձանագրելու ռեսուրս». Արմեն Քթոյան

Բաժանորդագրվեք
Տնտեսագետ, Հանրային քաղաքականության հետազոտությունների ազգային կենտրոնի փորձագետ Արմեն Քթոյանը Sputnik Արմենիայի հետ զրույցում անդրադարձել է Հայաստանի մակրոտնտեսական ցուցանիշներին ու գնահատել տնտեսության տարբեր ոլորտներում առկա գործընթացները:

Տնտեսական հեղափոխությունը նախևառաջ որակական փոփոխություն կամ դրա որևէ նախադրյալ է ենթադրում: Տնտեսությունը բարդ համակարգ է, որտեղ կան ելակետային ցուցանիշներ, բաղադրիչներ, և այդ բարդ համակարգում դրական ազդակները կարող են արդյունք տալ մի քանի տարի անց միայն։ Այս մասին Sputnik Արմենիայի հետ զրույցում ասաց տնտեսագետ, Հանրային քաղաքականության հետազոտությունների ազգային կենտրոնի փորձագետ Արմեն Քթոյանը։

Аэропорт Звартноц - Sputnik Արմենիա
Տնտեսությունն աճում է, գյուղատնտեսությունը` անկում ապրում, խոպան գնացողները պակասել են. ԿԲ

Նրա խոսքով` նույնիսկ որոշ երկրներում տնտեսական հրաշքը տեսանելի է եղել տասնյակ տարիներ անց: Այսինքն՝ ռեֆորմների մեկնարկի ու պտուղները քաղելու ժամանակային միջակայքը տատանվել է 15-20 տարվա միջակայքում:

Դեղ, թե կոնյակ` կեղծիքն անթույլատրելի է. Ռուսաստանում և Հայաստանում պայքար են սկսել

«Հայաստանը չի գտնվում այն վիճակում, երբ ունես ռեսուրս շատ արագ որակական, կտրուկ փոփոխություններ արձանագրելու համար: Հիմա իմպուլսը տալիս ես, ներդրում ես կատարում, իսկ արդյունքը շոշափելի ու տեսանելի է դառնում որոշ ժամանակ անց»,- նշեց տնտեսագետը:

Միջազգային տնտեսական հանրությունը դրական է գնահատում. Փաշինյանը` Fitch-ի հրապարակման մասին

Քթոյանի կարծիքով՝ մեր տնտեսությունը գործում է գլոբալ տնտեսական համակարգի մեջ, մրցունակ չէ, հետևաբար, մակրոտնտեսական առումով այստեղ չեն կարող արագ տեղաշարժեր լինել: Բյուջեն այդ տնտեսության արտացոլումն է, և ըստ տնտեսագետի`այն կարելի է համարել առողջացման բյուջե: Անհրաժեշտ է, որ հետզհետե արձանագրվեն կառուցվածքային փոփոխություններ՝ շարունակական դարձնելով ստվերի դեմ պայքարի և արդյունավետության բարձրացմանն ուղղված քայլերը:

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала