Այստեղ անվտանգ է. Քոչարյանը դրսում հայտնված նախկին պաշտոնյաներին հորդորում է վերադառնալ

© Sputnik / Asatur YesayantsДепутаты от фракции "Мой шаг" Андраник Кочарян на заседании Парламента (15 января 2019). Еревaн
Депутаты от фракции Мой шаг Андраник Кочарян на заседании Парламента (15 января 2019). Еревaн - Sputnik Արմենիա
Բաժանորդագրվեք
НовостиTelegram
«Իմ քայլը» խմբակցության պատգամավոր Անդրանիկ Քոչարյանը վստահեցնում է, որ անգամ արդարադատությունից խուսափողների համար ամենաապահով վայրը Հայաստանն է։

ԵՐԵՎԱՆ, 3 դեկտեմբերի – Sputnik. «Իմ քայլը» խմբակցության պատգամավոր Անդրանիկ Քոչարյան այսօր Ազգային ժողովում հայտարարությամբ դիմեց նախկին պաշտոնյաներին, որոնք այս պահին Հայաստանում չեն և, նրա խոսքով, խուսափում են արդարադատությունից։

Генеральный прокурор Армении Артур Давтян на заседании правительства Армении (24 мая 2018). Еревaн - Sputnik Արմենիա
«Ամեն մեկը փախնում է իր գյորա». Արթուր Դավթյանը` դրսում հայտնված նախկին պաշտոնյաների մասին

«Հայտարարությունս վերաբերելու է նախկին մի շարք պաշտոնատար անձանց փախուստին` Միքայել Հարությունյան, Վահագն Հարությունյան, Միհրան Պողոսյան և վերջերս նաև Գևորգ Կոստանյան։ Դժվար է ասել՝ այս անվանացանկն ինչքան է համալրվելու, բայց մեկ բան հստակ է՝ նախկին պաշտոնյաները պետք է հասկանան, որ ժամանակին նրանց կառավարմանն են հանձնվել բազմաթիվ կարևոր կառույցներ, խոսքը հատկապես ուժային կառույցների ղեկավարներին է հասցեագրված»,– ասաց նա։

Ըստ Քոչարյանի` խուսափելով ներկայանալուց և նախաքննական մարմնի հարցերին պատասխանելուց՝ այս անձինք ապացուցում են, որ ոչ միայն իրենք են փչացրել իրենց իսկ ղեկավարած կառույցները, այլև միաժամանակ ստվերում են նմանօրինակ պղտոր մթնոլորտում ժամանակին բարեխղճորեն իրենց ծառայություններն իրականացրած բազմաթիվ պրոֆեսիոնալ կադրերի անցած ուղին։

«Մարտի 1-ի բացահայտումը ոչ միայն կվերականգնի արդարությունը, այլև վերջնականապես կփակի ողբերգության էջը։ Առաջարկում եմ բոլոր հնարավոր տարբերակները կիրառել նրանց Հայաստան վերադարձնելու համար»,– ասաց պատգամավորը։

Նա նշեց, որ միևնույն է` նույնիսկ դեպքերի ամենաանհավանական զարգացումների պարագայում նշված անձինք արդեն իսկ ներգրավված են «Մարտի 1»–ի գործով և պետք է կամավոր ներկայանան ու պատասխանեն նախաքննական մարմիների հարցերին։

«Բոլոր ժամանակներում ցանկացած հայի համար աշխարհում ամենաանվտանգ վայրը Հայաստանի Հանրապետությունն է, և վերջ։ Եթե տվյալ անձը անհանգստություններ ունի կամ խուսափում է սեփական երկրի արդարադատությունից, ապա նա ոչ մի դեպքում չի կարող ապահով զգալ օտարության մեջ»,– ասաց Քոչարյանը։

Հիշեցնենք` այս պահին ՌԴ–ում են գտնվում ՀՀ պաշտպանության նախկին նախարար Միքայել Հարությունյանը, ԴԱՀԿ նախկին պետ Միհրան Պողոսյանը, նախկին գլխավոր դատախազ Գևորգ Կոստանյանը, ՀԿԳ նախկին քննիչ Վահագն Հարությունյանը։

Նոյեմբերի 26-ին Գևորգ Կոստանյանը Sputnik Արմենիայի հետ զրույցում իր դեմ հարուցված քրեական գործի վերաբերյալ ասել էր, որ մեկ տարի գտնվել է Հայաստանում այն պահից սկսած, երբ իրեն վկայի կարգավիճակով կանչել են հարցաքննության, և դրանից հետո իր նկատմամբ որևէ գործողություն չի իրականացվել: Այդ ընթացքում պայմանագիր է կնքել ՌԴ դատախազության համալսարանի հետ՝ տեղում դասախոսելու նպատակով:
Գևորգ Կոստանյանի փոխանցմամբ՝ ուսումնական կիսամյակը վերոհիշյալ բուհում կավարտվի դեկտեմբերի վերջին, իսկ առավելագույնը հունվարի 6-ին կավարտվի քննական շրջանը, ինչից հետո նոր կվերադառնա Հայաստան:

Լրահոս
0