ԵՐԵՎԱՆ, 5 դեկտեմբերի — Sputnik. Հայիթիի մարզական մամուլն ուրախանում է Հայաստանի առաջնությանը հարձակվող Ջոնել Դեզիրեի գրանցած հաջողություններով։ Դեկտեմբերի 1-ին Ջոնելը պենտա–տրիկ արեց «Երևան» ՖԱ–ի հետ խաղում, որն ավարտվեց 8:0 հաշվով։
Լեգենդը նորից ֆուտբոլում է. Խորեն Հովհաննիսյանի թիմը կխաղա առաջին խմբում
«Լոռին» անխղճորեն ջախջախեց հակառակորդին։ Ջոնել Դեզիրեն, որը դեռ Հայիթիի ազգային հավաքականում չի խաղում, թիմին հաղթանակ բերեց։ Իր առաջին գոլը նա խփեց 32-րդ րոպեին։ Սակայն երկրորդ խաղակեսում նա պարզապես ճեղքեց մրցակցի պաշտպանությունը, հինգ րոպեում 3 գոլ խփելով. 59-րդ, 61-րդ (11 մետրանոցով) և 64–րդ րոպեին»,-գրում է Le Nouvelliste–ը։
«Ջոնել Դեզիրեն հայ պաշտպանների ահ ու սարսափն է, իսկական կոբրա իր թիմի հարձակման գծում։ Այժմ նա Հայաստանում հայտնի է»,–գրում է Tripfourni–ն։
«Լոռի» ֆուտբոլային ակումբի սևամորթ ֆուտբոլիստն ամուսնացել է հայուհու հետ. լուսանկար
Այս հաղթանակի շնորհիվ լոռեցիները դուրս եկան առաջին հորիզոնական (28 միավոր)։ Նրանցից ընդամենը մեկ միավորով հետ են մնում միանգամից երեք թիմ` «Ալաշկերտը», «Արարատ–Արմենիան» և «Արարատը» (Երևան)։
10 գոլով Դեզիրեն երկրորդ տեղում է ռմբարկուների ցանկում, նա մեկ գոլով հետ է մեկ այլ ֆրանսալեզու ֆուտբոլիստից` Կոտ դ՛Իվուարի Մորի Կոնեից, որը խաղում է «Շիրակի» կազմում։