ԵՐԵՎԱՆ, 11 դեկտեմբերի – Sputnik. Համաշխարհային ամանորյա հիթերին գերազանցող հայկական երգի հեղինակներն են Գարիկ Պապոյանն ու Սոնա Ռուբինյանը։ Այսօր լրագրողների հետ հանդիպմանը այս մասին ասաց Երևանի քաղաքապետի տեղակալ Տիգրան Վիրաբյանը։
«Սա ոչ այնքան ծախս է, որքան ներդրում». Մարությանի խոսնակը մեկնաբանել է ամանորյա ծախսերը
«Շատ հետաքրքիր տոնական երգ են գրել «Երևան 2020»–ի համար»,– ասաց փոխքաղաքապետը։
Երգի պրեմիերան, նրա խոսքով, կկայանա դեկտեմբերի 31-ին, 22։00-ից հետո։
«Երևան 2020» տոնական միջոցառումների ծրագիրը կբացեն հայ արտիստները, իսկ կեսգիշերից հետո կշարունակի Գորան Բրեգովիչը։
Գարիկի ու Սոնայի նոր երգը ամանորյա հիթերը հայաֆիկացնելու միակ քայլը չէ։ Վիրաբյանը հայտնեց, որ համաշխարհային հիթերի հայաֆիկացված ու հայկական գործիքավորմամբ մյուզիքլ կներկայացվի նաև դեկտեմբերի 20-ին, 20։ 00–ից հետո, երբ կվառվեն Հանրապետության հրապարակի տոնածառի լույսերը։
Բացառիկ Ամանոր է լինելու. Փաշինյանը խորհուրդ է տալիս Նոր տարին անցկացնել Երևանում
«Ամբողջ տրամաբանությունն այն է, որ մենք ունենանք ոչ թե ամանորյա ծրագիր, այլ բովանդակային բարձրաճաշակ, մշակութային ծրագիր, որն իրենից ներկայացնում է ամանորյա մյուզիքլ»,– ասաց նա։
Տոնական միջոցառումներն ու ամանորյա տոնավաճառը կշարունակվեն մինչև հունվարի 13-ը։
Հիշեցնենք` այսօր առավոտյան Facebook–ի ուղիղ եթերում ՀՀ վարչապետ Նիկոլ Փաշինյանը հայտնել էր` խնդիր է դրել, որ Ամանորի համար նոր երգ գրվի։ Նրա խոսքով` Ամանորի համաշխարհային հիթերը հայկական երգերով փոխարինելու պրոցեսը շարունակվելու է այնքան ժամանակ, մինչև դրանք այնքան պոպուլյար դառնան, որքան Jingle Bells–ը։
Վարչապետը հայտնել էր, որ Ամանորին նվիրված մեկ երգ արդեն գրվել է։
