ԵՐԵՎԱՆ, 19 դեկտեմբերի — Sputnik. Առողջապահության նախարարությունը վերանայում է պետպատվերի տրամադրման կարգը։ Համապատասխան որոշումն ընդունվեց այսօր ՀՀ կառավարության նիստում։ Ինչպես նախագծի քննարկման ժամանակ մեկնաբանեց ՀՀ առողջապահության նախարար Արսեն Թորոսյանը նոր կարգը վերաբերելու է պետպատվերով մատուցվող երեք ծրագրերի։
«Մեկը զինվորականներին ու նրանց ընտանիքներին մատուցով ծառայություններն են, մյուսը` սրտի անհետաձգելի, այսպես կոչված` Stent for life ծրագիրն է, որը բոլորին է հասանելի, և երրորդը` մանկաբարձագինեկոլոգիական ծառայություններն են։ Այսինքն` երեք ամենակարևոր ծրագրերը, որոնք փոփոխությունների սկիզբն են»,– ասաց նախարարը։
Ծրագրի փոփոխությունից հետո քաղաքացին ինքն է ընտրելու, թե որ բուժհաստատությունում է ցանկանում բուժօգնություն ստանալ, բուժհիմնարկն էլ պետությունից գումարը ստանալու է միայն համապատասխան օգնությունը փաստացի տրամադրելուց հետո։
Առաջարկված փոփոխությունը, վարչապետի խոսքով, կարևոր է ոչ միայն պետական միջոցների արդյունավետ օգտագործման նպատակով, որպեսզի պետպատվերի գումարը տարվա կեսին չավարտվի ու մարդիկ ստիպված լինեն սպասել մինչև հաջորդ տարի, այլև քաղաքական ենթատեքստով։
Հիվանդ երեխայի հայրը գլխով հարվածել է բժշկին. նախարարը վրդովված է
«Երբ որ մենք այս համակարգը ամբողջությամբ կներդնենք, այն խոսակցությունները, թե ինչու այս հիվանդանոցին պետպատվեր տրվեց, մյուսին չտրվեց, ինչու այս մեկինն ավելցավեց, մեկինը` ոչ, իսպառ կվերանան։ Այլևս կառավարությունը չի որոշի, թե որ հիվանդանոցը պետպատվերից ինչքան գումար է ստանում»,– ասաց վարչապետը։
Աղետալի ծախսեր, կամ ինչու պետք է առողջապահական հարկը պարտադիր լինի
Փաշինյանը նաև շեշտեց, որ այս որոշումն ուղղված է նաև քաղաքացիներին մատուցվող ծառայությունների որակը բարձրացնելուն, քանի որ հիվանդանոցներն այսուհետ ստիպված կլինեն մրցակցել պետպատվեր համակարգից օգտվելու համար։
Հիշեցնենք` նախկինում պետպատվերի գումարը հիվանդանոցներին էր փոխանցվում տարեսկզբին, ապա դրա շրջանակում իրականցվում էր քաղաքացիների անվճար բուժումը։
