«Կգրկեմ ու կհամբուրեմ Նազենի Ղարիբյանին». Օրբելյան

© Sputnik / Aram NersesyanКонстантин Орбелян
Константин Орбелян - Sputnik Արմենիա
Բաժանորդագրվեք
Ալեքսանդր Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը շնորհակալ է մշակույթի նախարարի նախկին պաշտոնակատար Նազենի Ղարիբյանին իր թատրոնը գովազդելու համար։

ԵՐԵՎԱՆ, 24 Դեկտեմբեր — Sputnik. Ալեքսանդր Սպենդիարյանի անվան օպերայի և բալետի ազգային ակադեմիական թատրոնի գեղարվեստական ղեկավար Կոնստանտին Օրբելյանը ՀՀ մշակույթի նախարարի նախկին պաշտոնակատար Նազենի Ղարիբյանի որոշմամբ 2019 թվականի մարտի 29–ին դադարել է զբաղեցնել թատրոնի տնօրենի պաշտոնը, ինչը բուռն քննարկումների առիթ էր դարձել։ Դրանք հասան իրենց գագաթնակետին, երբ Օրբելյանը դատարան դիմեց ու դատը հաղթեց։

Կոնստանտին Օրբելյանը՝ իրենց ընտանեկան պատմության և նոր թատերաշրջանի մասին - Sputnik Արմենիա
Օրբելյան. Հայրս առանց գրոշի եկավ ԱՄՆ, իսկ հորեղբայրս Բաքվում հայտնվեց փողոցում

«Թատրոնի մասին իմացան նույնիսկ այն մարդիկ, որոնք մինչ այդ չգիտեին։ Եթե տեսնեմ իրեն` կգրկեմ, կհամբուրեմ ու «շնորհակալություն» կասեմ», – ասաց նա։

Ընդ որում` Օրբելյանը նշեց, որ կուզենար շարունակել էներգիայով լի սկսած աշխատանքը։ Նա այդ հարցում կառավարությունից ֆինանսական աջակցություն չի ակնկալում, միայն խնդրում է չխանգարել իրեն։ Մաեստրոն նշեց, որ կզբաղվի թատրոնի զարգացմամբ, հենց դատական գործընթացներն ավարտվեն։

Նշենք` Օրբելյանը դատի էր տվել ՀՀ կրթության, գիտության, մշակույթի ու սպորտի նախարարությանն ու պահանջել անվավեր ճանաչել իրեն գործից ազատելու մասին հրամանը։

Կոնստանտին Օրբելյանը խոսել է իր և նախարարության դատական գործի մասին

Երևանի ընդհանուր իրավասության դատարանը հոկտեմբերի 8–ին Օրբելյանի օգտին վճիռ էր կայացրել։ Սակայն  նախարարությունը բողոքարկել է դատարանի որոշումը։

Օպերային թատրոնը լուրջ խնդիրներ ունի. փոխնախարարն ու Օրբելյանը բարեփոխումներն են քննարկում

Տնօրենի պաշտոնից զրկվելուց հետո Օրբելյանը շարունակում է զբաղեցնել թատրոնի գեղարվեստական ղեկավարի պաշտոնը։ Ինքը` դիրիժորը, կարծում է, որ այդ երկու պաշտոնները չեն կարող միմյանցից զատ գոյություն ունենալ։ Դա կարգելակի թատրոնի աշխատանքը, քանի որ գեղարվեստական ղեկավարի գաղափարների ֆինանսավորումը կախված է տնօրենից։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала