ԵՐԵՎԱՆ, 25 դեկտեմբերի – Sputnik. Հայաստանում արևային էլեկտրակայանների հզորությունը կրկնակի կավելանա, այսօր հրավիրված ասուլիսի ժամանակ ասաց ՀՀ հանրային ծառայությունները կարգավորող հանձնաժողովի նախագահ Գարեգին Բաղրամյանը։
Տարիներ անց Գեղարքունիքը ծածկված է լինելու արևային վահանակներով ու հողմակայաններով
Բոլոր արևային կայանների գումարային հզորությունը կավելանա և 110–ից կհասնի 210 մեգավատի։
Նախկինում որդեգրած ռազմավարության համաձայն` Հայաստանի կառավարությունը քվոտա էր բացել 10 մեգավատ հզորությամբ 12 կայանի համար։ Նրանց առաջարկել էին համակարգում էլեկտրաէներգիայի արտադրության ամենաշահավետ սակագինը` 43 դրամ` 1 կՎտ/ժ–ի դիմաց։
Այնուհետև բացվեց արտոնությունների երկրորդ փուլը, որի ընթացքում մինչև 2020 թվականը կառուցվում են 100 մեգավատ ընդհանուր հզորությամբ կայաններ։ Այստեղ բաշխում իրականացրին. մինչև 150 կՎտ հզորությամբ կայանները սակագին չեն ստանում (էլեկտրաէներգիայի վարձավճարները վճարելու դեպքում նրանցից հանում են այն էլեկտրաէներգիան, որը նրանք ցանց են տալիս)։ 150 կՎտ–ից 5 մվտ էլեկտրակայանները փոքր ՀԷԿ–երի սակագին են ստանում` 23,8 դրամ`կՎտ/ժ–ի համար։
Այն կայանների համար, որտեղ հզորությունն ավելի բարձր է, բանակցությունների արդյունքում անհատական սակագին են մշակում ։ Օրինակ, Հայաստանի ամենախոշոր արևային կայանը` «Մասրիկ 1»–ը, սկսել են կառուցել 2018 թվականի ամռանը։ Նրանք պետության հետ պայմանավորվածություն են ձեռք բերել. մոտ 20 դրամ` կվտ/ժ–ի համար։
Երևանի որոշ շենքերի տանիքներին արևային համակարգեր կտեղադրվեն
«2019 թվականի կեսերին մենք արդեն բաժանել ենք արտոնագրերն այդ 100 մեգավատի համար, կայանների կառուցումն արդեն իրականացվում է։ Սակայն մենք տեսնում ենք, որ բիզնեսն ուզում է և կարող է նոր կայաններ կառուցել և հոսանք արտադրել մատչելի սակագներով։ Այդ պատճառով մենք ընդլայնել են արևային էներգիայի քվոտան մինչև 210 մեգավատ», – հայտարարեց Բաղրամյանը։
Մասնավորապես, 1 900 արևային էլեկտրակայան է կառուցված, շուրջ 30 մՎտ ընդհանուր հզորությամբ։
Նշենք, որ Հայաստանում էլեկտրաէներգիայի ընդհանուր արտադրման մեջ արևային և հողմակայանների մասնաբաժինը դեռ 1%–ից քիչ է կազմում։
