«էլի մենք խփում ենք ցածր խավին». Երևանում տեղական տուրքերի դրույքաչափերը կբարձրանան

© Sputnik / Asatur YesayantsХлебная лавка
Хлебная лавка - Sputnik Արմենիա
2020 թվականին տեղական տուրքերի դրույքաչափերը բարձրացնելու նախագիծը ոչ միաձայն, բայց ընդունվեց։

ԵՐԵՎԱՆ, 25 դեկտեմբերի – Sputnik. Երևանում 2020 թվականից տեղական տուրքերը կբարձրանան։ Համապատասխան որոշումն ընդունվեց այսօր` դեկտեմբերի 25–ին, Երևանի ավագանու նիստում։

Երևանցիների մեկ տարվա օգտագործած ջրի քանակից ավել ջուր է խնայվել այս տարի. նախարար

Люстра - Sputnik Արմենիա
2020-ին էլեկտրաէներգիան չի թանկանա. Գարեգին Բաղրամյան

Քվեարկությունից առաջ հիմնական զեկուցող, քաղաքապետարանի աշխատակազմի և եկամուտների հաշվառման և գանձման վարչության պետ Արմեն Հարությունյանը նշեց, որ նախագծով հիմնականում պահպանվել են 2019թ. տուրքերի դրույքաչափերն ու տեսակները։

«Մինչև 300 քմ մակերես ունեցող բնակելի և մինչև 200 քմ ընդհանուր մակերես ունեցող հասարակական և արտադրական նշանակության շենք-շինությունների շինթույլտվությունների համար 2019թ.–ի 75.000-ի փոխարեն 2020 թ.–ին նախատեսվել է 105.000 դրամ»,- ասաց Հարությունյանը։

Ընդդիմությունը ճիշտ էր, իրենք` սխալ. կառավարությունը վերանայում է ցեմենտի տուրքի օրենքը

Սակայն փոփոխություններն այսքանով չեն ավարտվում։ Օրինակ, նույն հոդվածի այլ կետերի համաձայն՝ 200-ից մինչև 500 քմ ընդհանուր մակերես ունեցող շենք-շինությունների համար տեղական տուրքը 2020թ. համար սահմանվել է 210.000 դրամ` 2019թ.–ի 150.000–ի փոխարեն։

500-ից մինչև 1.000 ք.մ. ընդհանուր մակերես ունեցող շենք-շինությունների համար 2019թ. 250.000 դրամի փոխարեն 2020թ.–ին սահմանվել է 300.000 դրամ։

Շենք-շինությունների վերակառուցման, վերականգնման, ուժեղացման, արդիականացման և բարեկարգման աշխատանքների համար 2020թ. տեղական տուրք է սահմանվել 21.000 դրամ։ 2019թ.–ին այդ տուրքը 15.000 դրամ էր։

 Փոփոխությունները, սակայն, ավագանու «Լույս» խմբակցության անդամների հավանությանը չարժանացան։

Стройка - Sputnik Արմենիա
Քաղաքապետարանը կօգնի նոր բնակարան ձեռք բերելու գործընթացում խուսափել խաբեբաներից

«Լույս» խմբակցության անդամ Թեհմինա Վարդանյանը նշեց, որ այս որոշմամբ հարվածում են սոցիալապես անապահով խավին:

«էլի մենք խփում ենք ցածր խավին, որովհետև այստեղ մարդիկ սեփական բնակարանը վերանորոգելու կամ պատուհանի տեղ փոխելու, կամ տանիք վերանորոգելու համար ստիպված են լինելու ավելի մեծ գումար վճարել: Հետո էլ ասում եք` ընդդիմանում եք։ Չենք ընդդիմանում, պարզապես չենք ուզում քաղաքացու վրա բեռ դնել ևս մեկ անգամ»,-ասաց նա:

Խմբակցության ղեկավար Դավիթ Խաժակյանն էլ նշեց, որ 300 քմ մակերես և դրանից քիչ մակերես ունեցող տարածքների համար, որոնք կարող են լինել փոքր կրպակներ, արդարացված չէ տեղական տուրքերի ավելացումը, որովհետև դրանով վնաս կպատճառվի տարածքների ներկայացուցիչներին: 

«Հայաստանում տոննաներով երկաթ է փոշիանում». բիզնեսը դեմ է ջարդոնի արտահանման տուրքին

«Մեր հարցադրումը կոնկրետ դրույքաչափին է վերաբերում, մենք հարցնում ենք, թե ինչու եք մինչև 300 քառակուսի մետր շինթույլտվության դրույքաչափը բարձրացնում, դուք ասում եք՝ առհասարակ ենք բարձրացնում: Ես կարծում եմ, որ դուք պետք է հիմնավորեք»,-ասաց նա և նշեց, որ խնդիրը հենց այդ դրույքաչափի մասին է: «Լույս» խմբակցության ղեկավարը հավելեց, որ դեմ են նախագծին։

Նախագիծը դրվեց քվեարկության։ Այն ընդունվեց 42 կողմ, 4 դեմ, 6 ձեռնպահ ձայնով։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала