Գազի գինը չի՞ բարձրանա. կառավարությունն առաջարկում է փոփոխել գազի պայմանագիրը

© Pixabay / PhotoMIX-Company / Գազօջախ
Գազօջախ - Sputnik Արմենիա
Բաժանորդագրվեք
НовостиTelegram
ՀՀ իշխանությունը կարծում է, որ ՌԴ–ի հետ նոր արձանագրության ստորագրումը կնպաստի երկու երկրների միջև փոխշահավետ համագործակցությանն ու տնտեսական կապերի զարգացմանը, ինչպես նաև բարենպաստ պայմանների կստեղծի գործարար ակտիվության բարձրացման համար։

ԵՐԵՎԱՆ, 26 դեկտեմբերի — Sputnik. ՀՀ կառավարությունն առաջարկում է փոփոխություններ կատարել ՌԴ–ի հետ 2013թ–ին կնքված համաձայնագրում, որով կարգավորվում է Հայաստան մատակարարվող ռուսական գազի գինը։ Համաձայնագրում առաջարկվող լրացուցիչ արձանագրությանը հավանություն տալու որոշմանը ՀՀ կառավարությունն այսօր հավանություն տվեց գործադրի հերթական նիստում։

Женщина моет руки - Sputnik Արմենիա
Ջրի գինը որոշվեց. պետությունը չի սուբսիդավորի, բայց քաղաքացիները կվճարեն նույն գինը

Որոշումն ընդունվեց առանց քննարկումների ու առանց զեկուցման, ուստի նախագծի մասին կարող ենք խոսել բացառապես նախագծում ներկայացված տվյալների մակարդակով։

Այսպես` առկա պայմանագրով գազի գործող գինը Հայաստանի Հանրապետության համար 2019 թվականի հունվարի 1-ից մինչև 2019 թվականի դեկտեմբերի 31-ը ներառյալ սահմանված է 165 ԱՄՆ դոլար՝ հազար խորանարդ մետրի համար: Կառավարությունն առաջարկում է այս համաձայնագրի գործողության ժամկետն ավելացնել ևս 1 տարով, քանի որ արձանագրությունը նման կետ ևս նախատեսում է:

«Արձանագրության ստորագրումը կնպաստի երկու երկրների միջև փոխշահավետ համագործակցության, տնտեսական կապերի զարգացման համար բարենպաստ պայմանների ստեղծման, գործարար ակտիվության բարձրացման շարունակմանը»,– նշված է կառավարության ընդունած որոշման մեջ։

Փաշինյանը տարին ամփոփում է լավ տրամադրությամբ. որն է պատճառը

Առաջարկվող արձանագրությամբ կողմերը պարտավորվում են մինչև 2019 թվականի դեկտեմբերի 31-ը մշակել և հաստատել դրամական հոսքերի հաշվարկի մոդելներ՝ «Գազպրոմ Արմենիա» ՓԲԸ-ի համար:

Նախատեսվում է, որ նոր համաձայնագիրը ուժի մեջ կմտնի 2020թ.–ի հունվարի 1-ից։

Ո՞ւր է գնում ՀՀ տնտեսությունը. տնտեսագետ Կառլեն Խաչատրյանը գնաճ ու թանկացում է կանխատեսում

Լրահոս
0