Հայաստանը 2022–2023 թթ–ին ժամանակակից սպառազինություն ձեռք կբերի

© Пресс-служба Минобороны РФ / Անցնել ֆոտոբանկСтрельбы из арктических ЗРК "Тор-М2ДТ" на архипелаге Новая Земля
Стрельбы из арктических ЗРК Тор-М2ДТ на архипелаге Новая Земля - Sputnik Արմենիա
Բաժանորդագրվեք
Yandex newsTelegram
Ժամանակակից միջոցներ ձեռք բերելու ուղղությամբ որոշումը կայացված է, բայց պայմանագրերը դեռ կնքված չեն։

ԵՐԵՎԱՆ, 26 դեկտեմբերի – Sputnik. Հայաստանը կոնկրետ քայլեր է ձեռնարկել 2022-23 թվականներին ժամանակակից սպառազինություն ձեռք բերելու ուղղությամբ։ Այսօր հրավիրված ասուլիսի ժամանակ այս մասին ասաց գլխավոր շտաբի պետ Արտակ Դավթյանը` պատասխանելով С-400 համալիրների հնարավոր գնման հարցին։

«Հայաստանը որևէ որոշում չունի С-400 համակարգեր ձեռք բերելու վերաբերյալ։ Գնման ուղղությամբ քայլեր չենք կատարել: Ունենք С-300 համակարգեր, որոնք իրականացնում են մարտական հերթապահություն»,– ասաց նա։

Դավթյանը հիշեցրեց, որ Հայաստանի զինված ուժերը համալրվել են «Տոր» զենիթահրթիռային համալիրներով։

«Ժամանակակից միջոցներ ձեռք բերելու ուղղությամբ որոշումը կայացված է, բայց պայմանագրերը դեռ կնքված չեն: Պլանավորում ենք, որ 2022-2023 թթ. դրանք պետք է լինեն Հայաստանում», - ասաց ՀՀ ԶՈՒ գլխավոր շտաբի պետը:

Հիշեցնենք` ՏՈՐ-Մ2ԿՄ համակարգերի մասին դեկտեմբերի 21–ին հայտնել էր ՀՀ վարչապետ Նիկոլ Փաշինյանը` նշելով, որ քանակի մասին ոչինչ ասել չի կարող, որովհետև ռազմական գաղտնիք է։

Հայաստանի վարչապետը հայտարարություն կանի Սու–30–ի վերաբերյալ. Դավթյան

Լրահոս
0