ԵՐԵՎԱՆ, 2 հունվարի–Sputnik. Երևան քաղաքի Սարի թաղում վիճաբանությունն ավարտվել է դանակահարությամբ։ Այս մասին տեղեկացնում են ՀՀ ոստիկանության լրատվության և հասարակայնության հետ կապերի վարչությունից։
«Հունվարի 1-ին, ժամը 20.55-ին, հիվանդանոցից ոստիկանության Էրեբունու բաժին հաղորդում է ստացվել, որ «Էպիգաստրալ շրջանի ձախ կող աղեղի, ձախ ուսահոդի և պարանոցի ձախ կողմնային շրջանի կտրած-ծակած վերքեր» ախտորոշմամբ շտապօգնության խումբը հիվանդանոց է տեղափոխել Նոր Արեշի 41-ամյա մի բնակչի։ Վերջինս հիվանդանոցում հայտնել է, որ Սարի թաղում վայր է ընկել»,–ասվում է ոստիկանության հաղորդագրության մեջ:
Ամանորի գիշերվա երազները «շարքային» չեն լինում․ ինչից է պետք զգուշանալ և ինչից` ուրախանալ
Դեպքի վայր մեկնած օպերատիվ խումբը պարզել է, որ նույն օրը` ժամը 20.30-ին, վիճաբանության ժամանակ Սարի թաղի 48-ամյա բնակիչը դանակով մի քանի անգամ հարվածել է հիշյալ տղամարդու մարմնի տարբեր մասերին՝ պատճառելով վնասվածքներ:
Արդեն կեսգիշերից հետո 48-ամյա տղամարդը ներկայացել է ոստիկանության Էրեբունու բաժին և տվել խոստովանական բացատրություն:
Նշանակվել է դատաբժշկական փորձաքննություն:
Հանցագործության գործիք դանակը հայտնաբերելու ուղղությամբ ձեռնարկվում են միջոցառումներ:
Կատարվում է քննություն:
Ողբերգական դեպք Աշտարակում. 38-ամյա տղամարդը տանիքում կախվել է
