6-ին ոստիկանության Կենտրոնական բաժնի քրեական հետախույզները Երևանի Կոնդ թաղամասում Սուրբ Հովհաննես եկեղեցու բակից հայտնաբերել ու բերման են ենթարկել քրեական հեղինակությանն ու նրան ուղեկցող անձանց։
Sputnik Արմենիայի տեղեկություններով բերման երնթարկված քրեական հեղինակությունը Արտյոմ Կանևսկոյն է` Արտյոմ Հարությունյանը։
Ոստիկանության հասարակայնության հետ կապերի ու լրատվության վարչությունը հայտնում է միայն, որ քրեական հեղինակության ու նրա ուղեկիցներին բերման են ենթարկել ապօրինի զենք-զինամթերք ու սառը զենք պահելու կասկածանքով։
Կատարված անձնական խուզարկությունների ու մեքենաների զննության արդյունքում նրանց մոտ հայտնաբերվել է դանակ ու տարբեր տեսակի հրազեն, որոնց օրինականությունը ստուգվում է։
Ոստիկանությունը հիշեցնում է, որ հետևողական է հանցագործություն ծնող պատճառների և միջավայրի դեմ պայքարում, և անում է ամեն ինչ քրեական ենթամշակույթը վերացնելու և քաղաքացիական հասարակությանը հատուկ սկզբունքների արմատավորման համար։
Հիշեցնենք` քրեական ենթամշակույթի դեմ պայքարի շրջանակում իրականացված մեկ այլ լայնածավալ գործողության արդյունքում 2018թ–ի հունիսի 20-ին ոստիկանությունը խուզարկություններ էր կատարել ավելի քան 30 քրեական հեղինակությունների և «օրենքով գողերի» տներում։
Դրանց թվում էին «օրենքով գող» Ժիրայր Բրուտյանը (Ժիրո Շահումյանցի), Սամվել Հարությունյանը (Մանեթի տղա Սամո), Գևորգ Մելիքյանը (Օշականցի Գևորիկ), Նորայր Փիլոյանը (Կոնչո), Սուրիկ Ավետիսյանը (Լենինականցի Սուրիկ) և Ռաֆայել Խոյեցյանը (Աֆո)։
Խուզարկության էին ենթարկվել նև քրեական հեղինակություններ Արտյոմ Հարությունյանի (Արտյոմ Կանևսկոյ), Արթուր Ղազարյանի (Քանաքեռցի Տույի), Արմեն Իսրայելյանի (Պիստ Արմեն), Ռադիկ Մկրտչյանի (Պրատ) և այլոց տները։
Ոստիկանները քրեական հեղինակության են բերման ենթարկել. տեսանյութ
Հիշեցնենք, որ Արտյոմ Կանևսկոյը բերման էր ենթարկվել նաև անցած տարվա հունվարին։
