ԵՐԵՎԱՆ, 8 հունվարի - Sputnik. Բաղդադում ՀՀ դեսպանությունը գործում է նորմալ և անընդհատ կապի մեջ է տեղական իշխանությունների և հայ համայնքային կառույցների հետ: ՀՀ արտաքին գործերի նախարարության Facebook-ի էջում այս մասին գրել է ԱԳՆ խոսնակ Աննա Նաղդալյանը:
Նշենք, որ հունվարի 4-ին պայթյուն է տեղի ունեցել Բաղդադի այսպես կոչված «կանաչ գոտի» («միջազգային գոտի») կենտրոնում, որտեղ գտնվում են այլ երկրների դիվանագիտական ներկայացուցչությունները: Բացի այդ, ըստ ԶԼՄ-ների տեղեկությունների, ռմբակոծվել է Բաղդադի հյուսիսում գտնվող ամերիկյան «Բալադ» ավիաբազան:
Ըստ Հայաստանի արտգործնախարարության մամուլի քարտուղարի` «Միջազգային գոտում» անվտանգության հետ կապված խնդիրներ չկան:
«Պայթյունները, որոնք տեղի են ունեցել մի քանի օր առաջ «Միջազգային գոտում»՝ Հայաստանի դիվանագիտական առաքելությունից մի քանի հարյուր մետր հեռավորության վրա, էականորեն չեն ազդել դեսպանատան աշխատանքի վրա», - գրել է Նաղդալյանը:
Միջազգային կամ կանաչ գոտին Բաղդադի կենտրոնում գտնվող շրջան է, որտեղ տեղակայված են օտարերկրյա դեսպանությունների կառավարական օբյեկտները և շենքերը: Անվանումը ստացել է 2003-ին` Իրաքում միջազգային կոալիցիայի գործարկման մեկնարկից հետո: Տարածքը շրջապատված է փշալարերով: Համարվում է Բաղդադի ամենաապահով հատվածներից մեկը:
ՀՀ վարչապետը ցավակցել է Իրանում ավիաաղետի զոհ դարձածների հարազատներին
