Մի քանի կիլոմետր ավելի մեքենա վարելը մեկ ծննդկանի կյանքը փրկելուց հեշտ է. Թորոսյան

© Sputnik / Aram NersesyanДректор МЦ "Астхик" Асатур Асатрян и министр здравоохранения Арсен Торосян перед началом пресс-конференции по поводу пересадки печени (25 апреля 2019). Еревaн
Дректор МЦ Астхик Асатур Асатрян и министр здравоохранения Арсен Торосян перед началом пресс-конференции по поводу пересадки печени (25 апреля 2019). Еревaн - Sputnik Արմենիա
Բաժանորդագրվեք
Yandex newsTelegram
Առողջապահության նախարար Արսեն Թորոսյանը պարզաբանում է, որ ուզում են կանանց համար ուզում են անվտանգ ծննդաբերություն ապահովել և անվնաս ծնունդ` երեխաների համար։

ԵՐԵՎԱՆ, 12 հունվարի — Sputnik. Կանայք ուզում են ծննդաբերել ավելի մեծ բժշկական հաստատություններում, որտեղ ավելի որակյալ բժշկական ծառայություններ են մատուցվում և մանկական ու մայրական  մահացության հավանականություն գրեթե չի լինում։ Այս մասին Facebook-ի իր էջի ուղիղ եթերում հայտարարեց առողջապահության նախարար Արսեն Թորոսյանը` մեկնաբանելով Մարալիկի ծննդատան փակվելու շուրջ բարձրացած աղմուկը։

 

«Մենք ոլորտում ամենաշատ մեղադրանքները ստանում ենք մանկական և մայրական մահացությունների դեպքերով։ Ուզում եմ տեղեկացնել, որ, ամենայն հավանականությամբ, մանկական մահացության տեսանկյունից մենք շարունակական բարելավում կունենանք, սակայն նույնը չեմ կարող ասել մայրական մահացության դեպքերի վերաբերյալ։ Ամենդժբախտ դեպքից հետո մենք  քաղաքացիներից պահանջներ ենք ստանում կարգավորել մայրական մահացության դեպքերը, որ դրանք չլինեն»,–ասաց նա։

Գյումրիում նոր ծննդատուն է կառուցվելու. նախարարը հրապարակել է շենքի նախնական էսքիզները

Նախարարի խոսքով` իրենց  գործողությունները հենց դրանով էլ պայմանավորված են, որ ծննդաբերությունը լինի այնպիսի բուժհաստատությունում, որ մոր կամ երեխայի մոտ  չնախատեսված առողջական խնդրի պարագայում հնարավոր լինի ծագած խնդիրը վերացնել, այլ ոչ թե ստիպված լինեն ավելի  բարձր մակարդակի ծննդատուն տեղափոխել։

Жители общины Ани перекрыли трассу Гюмри-Ереван (8 января 2020). Маралик - Sputnik Արմենիա
«Մարալիկի ծննդատան փակումն իմ անձնական որոշումը չէ». Արսեն Թորոսյան

«Մեր գործողությունները որևէ ֆինանսական օգուտ չեն տալու երկրին, ֆինանսավորման հետ կապ չունեն, կապ ունեն մանկական և մայրական մահացությունների կանխարգելման կամ նվազեցման հետ»,-նշեց նա։

Ըստ նախարարի` իրենք որևէ բուժհիմնարկ չեն փակում, այլ կարգավորում են այնտեղ մատուցվող ծառայությունների տեսակները, իսկ ծննդօգնության ոլորտում կատարվող բարեփոխումները միայն բնակչության շահերից են բխում։

«Ես նշել եմ, որ մի քանի կիլոմետր ավել մեքենա վարելը ավելի քիչ դժվարություն է ներկայացնում, քան մեկ ծննդկանի կամ երեխայի կյանքը փրկելը։ Ուզում եմ, որ այդ ուղղությամբ մտածենք, ոչ թե փողոց փակելով կամ սպառնալիքի, շանտաժի կամ այլ միջոցներով պնդենք ստանդարտից ցածր ծառայության առկայություն ավելի մոտ բժշկական հաստատությունում»,- եզրափակեց Թորոսյանը։

«Չեմ ցանկանում մեր բոլորի տոնը փչացնել, բայց ստիպված եմ...». Արսեն Թորոսյան

Հիշեցնենք, որ օրերս Շիրակի մարզի Անի խոշորացված համայնքի Մարալիկ քաղաքի բնակիչները փակել էին Գյումրի–Երևան ճանապարհը։ Նրանք պահանջում էին չեղարկել Մարալիկի առողջության կենտրոնի ծննդաբերական բաժանմունքի փակման որոշումը։ Ի դեպ, ըստ տվյալների`2018 թվականին Մարալիկի առողջության կենտրոնի մանկաբարձական ծառայությունից օգտվել է 126 ծննդկան, իսկ 2019-ին` 105:

Լրահոս
0