ՊԵԿ նախագահը լավ լուր է հայտնել լրագրողներին

© Sputnik / Aram NersesyanПредседатель КГД Давид Ананян возле Дома правительства после внеочередного заседания (22 мая 2018). Еревaн
Председатель КГД Давид Ананян возле Дома правительства после внеочередного заседания (22 мая 2018). Еревaн - Sputnik Արմենիա
Բաժանորդագրվեք
ՊԵԿ նախագահը լրագրողների հետ հանդիպմանը պատմել է, թե ինչ է արձանագրվել Ամանորին Հայաստանում։ Արձանագրված ցուցանիշներն ուրախացրել ու ոգևորել են ՊԵԿ նախագահին։

ԵՐԵՎԱՆ, 13 հունվարի— Sputnik. Ամանորին (դեկտեմբերի 28–ից մինչև հունվարի 6-ը) Հայաստանում տպագրվել է 10.5 մլն հատ ՀԴՄ կտրոն, ինչը 32 տոկոսով գերազանցում է 2019թ.–ի ցուցանիշը։ Այսօր ամփոփիչ ասուլիսում այս մասին հայտնեց ՀՀ ՊԵԿ նախագահ Դավիթ Անանյանը։

Նիկոլ Փաշինյանը շնորհակալություն է հայտնում ՀԴՄ կտրոն տպողներին ու պահանջողներին

Контрольно-кассовая машина в пункте упаковки багажа - Sputnik Արմենիա
Վարչապետը ՀՀ քաղաքացիներին առաջարկում է նկարահանել ՀԴՄ չտվողներին և ուղարկել ՊԵԿ

«Անցած տարվա նույն օրերին շուրջ 7 մլն ՀԴՄ էր տրամադրվել։ Շուրջ 22 տոկոս ավելացել է շրջանառությունը. 51 մլրդ ` նախորդ տարվա 42-ի փոխարեն»,– ասաց նա։

Ընդ որում, աճը, ՊԵԿ նախագահի խոսքով, հիմնականում գրանցվել է մարզերում։ Օրինակ` եթե Երևանում աճը 15 տոկոս է եղել, Գորիսում Ամանորին տրմադրված ՀԴՄ–ների թիվն աճել է 104–ով, Գյումրիում` 99 տոկոսով և այլն։

Անանյանը նշեց` քանի որ Երևանում վերահսկողությունը միշտ շատ ավելի ընդգծված է եղել, միշտ եղել է նորմային մոտ։ Բայց այլ համայնքների այս ցուցանիշները ոգևորում ու ուրախացնում են իրենց,քանի որ սա նշանակում է`ունենք «հարկային վարքագծի և կարգապահության աննախադեպ աճ»։

ՊԵԿ նախագահը քաջատեղյակ է` Հայաստանում ՀԴՄ տրամադրելու 100 տոկոսանոց սովորույթ չկա, բայց և հուսով է, որ գործընթացն աստիճանաբար լավանալու է։

«Այս թվերը, որ ես հանել եմ, վաղը նաև ներկայացնելու եմ պարոն վարչապետին` մի քիչ ավելի խորը, ավելի ճշգրիտ թվեր, որպեսզի մենք կիսենք մեր տպավորությունները, թե ինչ ունենք հարկային կարգապահության առումով։ Եվ այն դրոշակը, որ մենք վերցրել ենք վարչապետի գլխավորությամբ, ու ՀԴՄ կտրոն տրամադրելը դարձրել ենք երկրի ղեկավարի ամենօրյա ուղերձների թեմա` ունի նպատակ։ Ագիտացիոն ու սիմվոլիկ առումով` սա շատ լավ թեմա է, որպեսզի հանրությունը հասկանա, թե ինչ է նշանակում գործարքի փաստաթղթավորումը հարկել հավաքագրելու տեսանկյունից»,– ասաց Անանյանը։

ՊԵԿ նախագահը նաև հստակեցրեց` ՀԴՄ կտրոններ տպագրելը թեև ՀՀ կառավարության առաջնահերթություններից է, բայց դրանցով հավաքագրվող հարկերը ընդհանուր հարկային եկամուտների միայն մի չնչին մասն են կազմում։

Հայաստանում ՀԴՄ–ի դեֆիցիտ է. Փաշինյանը հանձնարարեց պարզել պատճառը

Հիշեցնենք` 2020թ.–ի հունվարի 9-ի կառավարության նիստում ՀՀ վարչապետ Նիկոլ Փաշինյանը հայտարարել էր, որ Հայաստանում շարունակում են համատարած կերպով ՀԴՄ կտրոններ չթողարկել։ Փաշինյանն առաջարկել էր հարցն առաջիկայում կարգավորել քաղաքացիների միջոցով` նրանց հնարավորություն տալով արձանագրել խախտումն ու ներկայացնել համապատասխան մարմիններին։

ՊԵԿ նախագահ Դավիթ Անանյանը վարչապետին խոստացել էր, որ նրա առաջարկը օրենսդրական կարգավորում կստանա, և ՊԵԿ–ն առաջիկայում հանդես կգա օրենսդրական առաջարկով։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала