«Սա վատ նշան է պետության համար». Լարիսա Ալավերդյանը` Գեորգի Կուտոյանի մահվան մասին

© Sputnik / Aram NersesyanЛариса Алавердян на Международной конференции, посвященной 15-летию офиса омбудсмена в Армении (27 ноября 2019). Еревaн
Лариса Алавердян на Международной конференции, посвященной 15-летию офиса омбудсмена в Армении (27 ноября 2019). Еревaн - Sputnik Արմենիա
Բաժանորդագրվեք
Yandex newsTelegram
Լարիսա Ալավերդյանը ցավով է նշում, որ պետության առաջ իրենց պարտքը կատարած մարդիկ այսպիսի ճակատագրի են արժանանում։

ԵՐԵՎԱՆ, 17 հունվարի — Sputnik. Հայաստանի Մարդու իրավունքների նախկին պաշտպան, «Ընդդեմ իրավական կամայականության» հասարակական կազմակերպության նախագահ Լարիսա Ալավերդյանը կարծում է, որ Ազգային անվտանգության ծառայության նախկին ղեկավար Գեորգի Կուտոյանի մահը վատ նշան է հայոց պետականության համար։

«Սա ծանրագույն դեպք է հայկական իրականության համար։ Բավականին երիտասարդ էր, իր գործի պրոֆեսիոնալ։ Դժվար է ինչ–որ գնահատականներ տալ։ Սա շատ տխուր միջադեպ է։ Չգիտեմ` նա ում կարող էր խանգարել», – ասաց իրավապաշտպանը Sputnik Արմենիայի հետ հարցազրույցում։

ԱԱԾ նախկին պետ Գեորգի Կուտոյանի դին՝ հրազենային վնասվածքով, հայտնաբերվել է այսօր Երևանի Պարույր Սևակի փողոցի բնակարաններից մեկում։ Կատարվածի վերաբերյալ պաշտոնական վարկած չկա։ Որոշ ԶԼՄ–ներ գրում են, որ նա ինքնասպանություն է գործել, դիակի մոտ ատրճանակ և կոնյակի դատարկ շիշ են գտել։

Речь директора СНБ Георгия Кутояна на торжественном заседании, посвящённом Дню работника органов Национальной безопасности (22 декабря 2017). Еревaн - Sputnik Արմենիա
Գեորգի Կուտոյանը որևէ քրեական գործով չի հարցաքննվել. ՀՔԾ

Լարիսա Ալավերդյանը զուգահեռներ անցկացրեց ՆԳՆ նախկին ղեկավարի և նախկին ոստիկանապետ Հայկ Հարությունյանի մահվան հետ։

«Մենք տեսնում ենք, որ բավականին կայացած, պետության առաջ իրենց պարտքը կատարող մարդիկ նման ցավալի վախճան են ունենում։ Սա իսկապես վատ միտում է և վատ նշան պետության համար», – ասաց նա։

Նրա կարծիքով` ամենասարսափելին այն է, որ ոչ ոք չգիտի` ով կհայտնվի թիրախում։ Նա վստահ է, որ երկրի իշխանությունները պետք է զբաղվեն այդ մարդկանց անվտանգությամբ։

Նշենք, որ Կուտոյանը 38 տարեկան էր, ամուսնացած էր, ուներ մեկ որդի։ ԱԱԾ տնօրեն էր նշանակվել Սերժ Սարգսյանի օրոք` 2016 թ. փետրվարի 12-ին: Նրա պապը ժամանակին դպրոցի տնօրեն է աշխատել։ Կուտոյանին հենց պապի անունով են կոչել։ Տատն ու մայրը նույնպես մանկավարժներ են։ Իսկ հայրը` Կարեն Կուտոյանը, անվանի մանկաբարձ–գինեկոլոգ է, Քանաքեռ–Զեյթունի ծննդատան տնօրենը։

«Գեորգի Կուտոյանի դին հայտնաբերել է նրա կինը». Մելիքյան

Լրահոս
0