Փաշինյանը շարունակում է դժգոհել. ինչու է ուշանում կոռուպցիայի դեմ պայքարը

© Sputnik / Asatur YesayantsВрио премьер-министра Никол Пашинян на внеочередном заседании Парламента Армении (24 октября 2018). Еревaн
Врио премьер-министра Никол Пашинян на внеочередном заседании Парламента Армении (24 октября 2018). Еревaн - Sputnik Արմենիա
Բաժանորդագրվեք
Վարչապետը պարզաբանել է, թե ինչ փուլում է «թալանվածը կոպեկ–կոպեկ վերադարձնելու» գործընթացը, որ մասին հայտարարել էր դեռ նախորդ տարի։

ԵՐԵՎԱՆ, 22 հունվարի — Sputnik. ՀՀ վարչապետ Նիկոլ Փաշինյանը դժգոհ է կոռուպցիայի դեմ պայքարի տեմպերից։ Այսօր ԱԺ–ում նա հայտնեց, որ 2019թ–ին հնչեցրած իր հայտարարությունն արդիական է նաև այսօր։

Пресс-конференция председателя Комитета государственных доходов Армении Давида Ананяна (16 октября 2019). Еревaн - Sputnik Արմենիա
ՊԵԿ աշխատակիցը պիտի այնքան վաստակի, որ կոռուպցիայի մասին չմտածի. Անանյան

«Բայց ամեն ինչ հարաբերական է։ Վերջերս, օրինակ, երբ ՀՔԾ–ի օրվան էինք մասնակցում, պարզվեց, որ միայն 2019թ–ի 10 ամիսների ընթացքում ՀՔԾ–ն պետությանը հասցված այնքան վնաս է վերականգնել, որքան ծառայության գոյության ողջ ընթացքում։ Բայց մյուս կողմից պետք է արձանագրենք` խնդիրները, որ մենք դրել ենք` կոպեկ–կոպեկ վերականգնելու մասին, բավարար արդյունավետությամբ չենք կարողանում լուծել»,– ասաց վարչապետը։

Ըստ նրա` պատճառները և՛ օբյեկտիվ են, և՛ սուբյեկտիվ։ Քրեական գործերն այնքան են շատացել, որ փորձագիտական եզրակացություններ ստանալը ամիսներ է տևում։

Հիշեցնենք` 2019թ–ի դեկտեմբերին վարչապետը հայտարարել էր, համակարգային կոռուպցիա Հայաստանում չկա, բայց դա չի նշանակում, որ ՀՀ-ում չկան կոռուպցիոն երևույթներ:

Փաշինյանը վստահեցրել էր, որ կա կոռուպցիայի դեմ պայքարի քաղաքական կամք, և նույնիսկ ամենամերձավոր թիմի անդամները չեն ներվելու կոռուպցիայի մեջ ներգրավվելու պարագայում։ Տարվա ընթացքում նա մի քանի անգամ հայտարարել էր, որ ժողովրդից թալանվածը կոպեկ-կոպեկ վերադարձվելու է:

Նվիրատվությո՞ւն, թե՞ կոռուպցիա. Իսրայելի փորձը

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала