Բանկոմատներն աշխատում են, ArCa համակարգի աշխատանքը վերականգնվել է, բայց մարդիկ դժգոհում են

© Sputnik / Aram NersesyanБанкомат
Банкомат - Sputnik Արմենիա
Բաժանորդագրվեք
НовостиTelegram
Ընկերությունը հայտարարություն է տարածել, մասնագետները կարգավորել են խնդիրը, բայց բանկոմատներից օգտվողների քարտերից գումար է պակասել։

ԵՐԵՎԱՆ, 25 հունվարի – Sputnik. Armenian Card CJSC- ArCa-ի բանկոմատների տեխնիկական խնդիրը լուծվել է։ Ընկերությունը հայտարարություն է տարածել Facebook–ում։

«Հարգելի հաճախորդներ, տեղեկացնում ենք, որ համակարգի բնականոն աշխատանքը վերականգնվել է։ Մենք խորապես հայցում ենք ձեր ներողամտությունը պատճառված անհարմարությունների համար»,– նշված է հայտարարության մեջ։

Ընկերությունը երեկ հայտնել էր, որ բանկոմատները տեխնիկական խնդիրների պատճառով ժամանակավորապես գործարք չեն կատարում, մասնագետները զբաղվում են խնդրի կարգավորման աշխատանքներով։

Банкомат - Sputnik Արմենիա
Նա Կարապետ անունը փոխարինեց Լյութեր Ջորջով. ինչպես հայը ստեղծեց առաջին բանկոմատը

Այսօրվա հայտարարության տակ օգտատերերը գրել են, որ խափանման ընթացքում իրենց քարտերից գումար է պակասել։

Ինչպես չդառնալ խարդախության զոհ. Հայաստանի բանկերի միավորումն ինֆորմացիոն արշավ է սկսել

«Բանկոմատն իմ քարտից 48,000 դրամ է տարել` առանց գումար տալու»,– գրել է մեկը։

Մեկ ուրիշն էլ նշել է, որ իր քարտից նույնպես գումար է պակասել, սակայն հստակ թիվը չի նշել։

Մարդկանց հետաքրքրում է, թե քարտից ելքագրված գումարները երբ հասանելի կլինեն։ Ընկերությունն առայժմ չի պատասխանել այս հարցին։

Տարեց բրիտանուհին կանխել է երիտասարդ կնոջը ավազակային հարձակումը. տեսանյութ

Լրահոս
0