Հայաստանում ՌԴ դեսպանատունն անդրադարձել է Տիգրան Հակոբյանի հայտարարությանը

© Sputnik / Aram NersesyanПосольство России в Армении
Посольство России в Армении - Sputnik Արմենիա
Դիվանագիտական առաքելության ղեկավարը նշել է, որ անհրաժեշտ է հաշվի առնել Հայաստանի բազմաթիվ քաղաքացիների շահերը, որոնք ռուսական ալիքների մշտական հեռուստադիտողներն են։

ԵՐԵՎԱՆ, 31 հունվարի — Sputnik. Հայաստանում Ռուսաստանի դեսպանատան մամուլի ծառայությունը մեկնաբանել է ՀՀ հեռուստատեսության և ռադիոյի ազգային հանձնաժողովի նախագահ Տիգրան Հակոբյանի` հանրային մուլտիպլեքսում արտասահմանյան հեռուստաալիքների հեռարձակումն արգելելու միտքը:

Դեսպանությունից հայտնում են, որ ուշադրություն են դարձրել Հակոբյանի այն դիրքորոշմանը, թե հանրային մուլտիպլեքսում արտասահմանյան հեռուստաալիքների հեռարձակումը, որոնց թվում են նաև ռուսական հեռուստաալիքները, սպառնալիք են Հայաստանի ազգային անվտանգության համար։

Аналоговое телевидение - Sputnik Արմենիա
ՀՌՀ–ն նոր մրցույթ կհայտարարի. մասնավոր հեռուստաընկերությունները կարող են զրկվել եթերից

«Զարմանքով նաև տեղեկացանք Հակոբյանի այն պնդմանը, թե նման մոտեցումը համաձայնեցվել է Հայաստանում Ռուսաստանի դեսպանի հետ։ Ցանկանում ենք հիշեցնել, որ Հայաստանում ՌԴ դեսպանի հետ բավական վաղուց կայացած միակ զրույցի ժամանակ Հակոբյանի հնչեցրած միտքը, թե ուզում են ստեղծել «նվազագույն սոցիալական փաթեթ»` առանց արտասահմանյան հեռարձակողների, ընդունվել է ի գիտություն։  Ընդ որում` դիվանագիտական առաքելության ղեկավարը նշել է, որ անհրաժեշտ է հաշվի առնել Հայաստանի բազմաթիվ քաղաքացիների շահերը, որոնք ռուսական ալիքների մշտական հեռուստադիտողներն են»,–նշված է հայտարարության մեջ։

Դիվանագիտական առաքելությունից ընդգծում են, որ ընդհանուր առմամբ Հայաստանի ղեկավարության` երկու երկրների ռազմավարական, դաշնակցային, եղբայրական բնույթի մասին հարաբերությունների ֆոնին, ռուսական հեռուստաալիքներն «ազգային անվտանգությանը վտանգ ներկայացնող» հայտարարությունը տարակուսանք է առաջացնում։

«Միստիկ երկիր Առան». ինչու է հետաձգվել Արցախի մասին ֆիլմի ցուցադրությունը Մոսկվայում

Հիշեցնենք, որ հունվարի 29-ին լրագրողների հետ զրույցում Տիգրան Հակոբյանը հայտնել էր` Հայաստանի հանրային թվային մուլտիպլեքսում, որը ՀՀ քաղաքացիներին անվճար դիտումներ է ապահովում, օտար հեռարձակողներ չպիտի լինեն։

Հակոբյանը Sputnik Արմենիայի հետ զրույցում վստահեցրել էր, որ ռուսական հեռուստաալիքների հեռարձակման վերաբերյալ իր հայտարարությունը հակառուսական բովանդակություն ու ենթատեքստ չունի։ 

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала