Այսօր Ղազախստանում Ռուսաստանի վարչապետ Միխայիլ Միշուստինի հետ հանդիպումից առաջ ՀՀ վարչապետ Նիկոլ Փաշինյանն առաջարկեց լուսանկարվել երկու պետությունների դրոշների ֆոնին, հետո Միշուստինին առաջարկեց նաև սելֆի անել:
– Եկեք սկզբում ձեռք սեղմենք,– ասաց ՀՀ վարչապետը։
Լուսանկարիչները սկսեցին նկարել այդ պահը։
– Գուցե նաև կողք կողքի կանգնենք,– առաջարկեց Միշուստինը։
– Իսկ սելֆի էլ չանե՞նք,– հարցրեց Փաշինյանն ու ձեռքը տարավ գրպանը։
– Այո, այո, –պատասխանեց ՌԴ վարչապետն ո ւ հարցրեց,– հայերեն «սելֆի» ինչպե՞ս կլինի։
– Սելֆին հայերեն բառ է,– ծիծաղեց Փաշինյանը։
ՀՀ վարչապետն ավելի ուշ հրապարակեց Միշուստինի հետ սելֆին։
Селфи с премьер-министром #РФ Михаилом #Мишустин'ым. pic.twitter.com/7sKhdxtTWn
— Nikol Pashinyan (@NikolPashinyan) January 31, 2020
Հիշեցնենք` Փաշինյանը Եվրասիական միջկառավարական խորհրդի հերթական նիստին մասնակցելու նպատակով Ղազախստանի Հանրապետություն է մեկնել հունվարի 31-ին։ Վարչապետի մամուլի ծառայությունը հայտնել էր, որ վարչապետի այցի ընթացքում նաև երկկողմ հանդիպումներ են լինելու։
Պետք է ակտիվացնել ԵԱՏՄ ընդհանուր էներգաշուկա ստեղծելուն ուղղված ջանքերը․ Փաշինյան
