ԵՐԵՎԱՆ, 3 փետրվարի — Sputnik. Երևանի բնակիչներ, 43-ամյա ամուսինն ու նրա 49-ամյա կինը թրաֆիքինգի են ենթարկել երեք մուրացկանի, որոնցից մեկը հոգեկան հիվանդ է եղել։ Նման բացահայտում է արել ՀՀ Քննչական կոմիտեն։
Պարզվել է, որ ամուսինները Երևանի Կենտրոնում մուրացկանությամբ զբաղվող երեք անձանց հայտնել են, թե այդ տարածքներն իրենցն են, իրենք են հսկում, և մուրացկանությունը շարունակելու համար նրանցից օրավարձ են պահանջել։
Երբ նրանք հրաժարվել են կատարել ամուսինների այդ պահանջը, ծեծել են նրանց, սպառնացել ու 2018թ.–ի ամռանից մինչև 2019թ.–ի մայիսի վերջը գումարներ են ստացել մուրացկանությամբ ձեռք բերված գումարներից:
Ապակուց այն կողմ ձգվող իրականություն. մուրացիկ երեխաների թիվն ավելացել է
Բացի այդ, պարզվել է, որ ամուսինները, պարբերաբար ծեծել են մուրացկաններից մեկին և նրան ստիպել Երևանի կենտրոնում ավտոմեքենաների վարորդներին անձեռոցիկներ վաճառել։ Հետո վերցրել են դրա դիմաց ստացված հասույթը:
Հարուցված քրեական գործի նախաքննությունն ավարտվել է ։ Գործը՝ մեղադրական եզրակացությամբ, ուղարկվել է դատախազություն` հաստատելու ու դատարան ուղարկելու համար։
Ստիպել են Երևանի փողոցներում անձեռոցիկ վաճառել ու խլել են ողջ գումարը. թրաֆիքինգի նոր դեպք
