Չինաստանում նոր կորոնավիրուսով պայմանավորված համաճարակային իրավիճակը դեռևս լարված է: ՀՀ առողջապահության նախարարությունը վստահեցնում է, որ մեր երկրում իրավիճակը վերահսկելի է։ Sputnik Արմենիան հարցում է անցկացրել` հասկանալու համար, թե ՀՀ քաղաքացիներն ինչ գիտեն այս թեմայով, ինչպես են տեղեկություն ստանում ու ինչ միջոցներ են ձեռնարկում պաշպանված լինելու համար։
Հարցման արդյունքում պարզ դարձավ, որ վարակը չի անհանգստացնում ՀՀ բնակիչների մեծ մասին։ Շատերը համոզված են, որ հիվանդության պատճառը չղջիկի միսն է։
«Գիտեմ, որ Չինաստանում չղջիկի միս են կերել, դրանից հետո մարդը հիվանդացել է, և այդպես տարածվել է հիվանդությունը»,- ասաց մեկը։
Մեկ ուրիշն էլ նշեց, որ օձն է պատճառը։ Թե ինչ պատասխաններ են տվել հարցման մյուս մասնակիցները, դիտեք Sputnik Արմենիայի տեսանյութում։
Ինչպես չինացին Հայաստան եկավ «չինական» վիրուսից մեկ ամիս առաջ ու սիրահարվեց մեր երկրին
Փետրվարի 5-ի դրությամբ՝ Չինաստանում կորոնավիրուսով վարակվածների թիվը 24,423 է. նախորդ օրվա համեմատ ցուցանիշն ավելացել է 3952–ով, 23,260-ը կասկածվում են, ապաքինվել են 948–ը (309-ով շատ), մահացել` 492–ը (67-ով շատ)։ Թեպետ վարակվածների թիվը կտրուկ աճում է, բայց դրական տեղաշարժ կա. ապաքինվածների թիվը գերազանցում է մահվան դեպքերը։
Հայաստանում 40 մարդ է հետազոտվել կորոնավիրուսի կասկածով. արդյունքը հայտնի է
