ԵՐԵՎԱՆ, 13 փետրվարի – Sputnik. Ստամբուլի քաղաքապետարանը հայց է ներկայացրել ընդդեմ իրեն առընթեր «Միջքաղաքային հաղորդակցություն» բաժնետիրական ընկերության 4 աշխատակցի, որոնցից մեկը Թուրքիայի նախագահ Ռեջեփ Թայիփ Էրդողանի զարմիկ Համիթ Էրդողանն է: Այս մասին տեղեկացնում է Cumhuriyet պարբերականը:
Հաղորդվում է, որ մեղադրյալները «Միջքաղաքային հաղորդակցություն» բաժնետիրական ընկերությանը պատկանող նավերի վերանորոգման ժամանակ ջարդոններն անօրինական կերպով օտարել են` առանց ընկերությանը հատուցելու:
Էրդողանն այցելել է խորհրդարանի հայազգի պատգամավոր Մարգար Եսայանին. լուսանկարներ
Քննության ընթացքում ոստիկանական բաժանմունք ներկայացած կասկածյալներից Գյուլթեքինն ասել է, որ ջարդոններ են տեղափոխել 3 տնօրենների իմացությամբ, իսկ ստացած եկամուտը փոխանցվել է իր հաշվին` Էրդողանի զարմիկի հրահանգով:
Համիթ Էրդողանը ընկերության բաժնետերերից է: