Ըմբշամարտիկները վերադարձան. «Զվարթնոցում» նրանց դիմավորեցին չեմպիոններին վայել ձևով

Բաժանորդագրվեք
Yandex newsTelegram
Չեմպիոն դարձած և մեդալներ վաստակած մարզիկներին Երևանի «Զվարթնոց» օդանավակայանում դիմավորեցին փուչիկներով և բուռն ծափերով:

Թեև կեսգիշերն անց է, բայց «Զվարթնոց» օդանավակայանը մարդաշատ է: Հռոմից վերադառնում են հունահռոմեական ոճի ըմբշամարտի Եվրոպայի առաջնության մեր մասնակիցները: Նրանց հետ չէ միայն «սպիտակ արջը»՝ Արթուր Ալեքսանյանը: 

Борцы Арсен Арутюнян (Армения) и Реджеп Топал (Турция) в четвертьфинале ЧЕ по борьбе (9 апреля 2019). Бухарест - Sputnik Արմենիա
Որս, ձկնորսություն, մոտոցիկլ, գիրք և ֆուտբոլ. ի՞նչ կապ ունի այս ամենն ըմբշամարտի հետ

Ֆուտբոլը կորցրեց, ըմբշամարտը գտավ. ինչպես Արթուր Ալեքսանյանը ընտրություն կատարեց

Հայ հասարակությունը չեմպիոններ դարձած և մեդալներ վաստակած մարզիկներին դիմավորում է փուչիկներով և բուռն ծափերով:
Տղաները հոգնած են, բայց գոհ ու երջանիկ: Նրանք էլ ավելի են ուրախանում հայրենիքում նման ընդունելության արժանանալով:

Ըմբշամարտի հավաքականի մարզիչ Էդուարդ Սահակյանն ասաց, որ թեև իրենք ավելի լավ արդյունքներ  էին ակնկալում Եվրոպայի առաջնությունից, բայց գոհ են նաև այսքանից, քանի որ տղաներին հաջողվել է հաղթահարել հոգեբանական խնդիրներն ու լավ արդյունք ցույց տալ:

© Sputnik / Asatur YesayantsԳևորգ Ղարիբյանը, Կարապետ Չալյանն ու Կարեն Ասլանյանը
Ըմբշամարտիկները վերադարձան. «Զվարթնոցում» նրանց դիմավորեցին չեմպիոններին վայել ձևով - Sputnik Արմենիա
Գևորգ Ղարիբյանը, Կարապետ Չալյանն ու Կարեն Ասլանյանը

Եվրոպայի չեմպիոն Գևորգ Ղարիբյանն օդանավակայանում լրագրողներին ասաց, որ չէր սպասում նման ջերմ ընդունելության ու շատ զգացված է: Նա նշեց, որ պայքարը հեշտ չի եղել, սակայն ի վերջո կարողացել է հասնել ցանկալի արդյունքի և հպարտ է, որ բարձրացրել է հայկական դրոշը: 

«Շատ սկզբունքային գոտեմարտ էր հատկապես ադրբեջանցու հետ. ոչ սպորտային կեցվածքով էր նա մոտեցել, բայց ես կարողացա հաղթանակի հասնել»,-ասաց Ղարիբյանը:

Նշենք, որ Գևորգ Ղարիբյանը վնասվածքներ ուներ և այս հաղթանակին հասնելը նրանից գերագույն ճիգեր պահանջեց:

© Sputnik / Asatur YesayantsԳևորգ Ղարիբյանը
Ըմբշամարտիկները վերադարձան. «Զվարթնոցում» նրանց դիմավորեցին չեմպիոններին վայել ձևով - Sputnik Արմենիա
Գևորգ Ղարիբյանը

Բրոնզե մեդալներով վերադարձած Կարեն Ասլանյանն ու Կարապետ Չալյանը նշեցին, որ կարող էին ավելի լավ արդյունքի հասնել, սակայն ստացվեց այնպես, որ ստիպված էին բավարարվել բրոնզով:

© Sputnik / Asatur YesayantsԿարապետ Չալյանն ու Կարեն Ասլանյանը
Ըմբշամարտիկները վերադարձան. «Զվարթնոցում» նրանց դիմավորեցին չեմպիոններին վայել ձևով - Sputnik Արմենիա
Կարապետ Չալյանն ու Կարեն Ասլանյանը

Հիշեցնենք՝ հունահռոմեական ոճի ըմբշամարտի Եվրոպայի առաջնությունում Հայաստանի ներկայացուցիչներ Արթուր Ալեքսանյանն ու Գևորգ Ղարիբյանը վաստակել են ոսկե մեդալ և դարձել Եվրոպայի չեմպիոններ, իսկ Կարեն Ասլանյանն ու Կարապետ Չալյանը բրոնզե մեդալակիրներ են դարձել:

Գևորգ Ղարիբյանը հաղթեց թուրք ըմբիշին և նվաճեց Եվրոպայի չեմպիոնի կոչումը

Լրահոս
0