Մեր ըմբիշներից 5–ը Հռոմից մեդալ բերելու ռեալ հնարավորություն ունեն. 2–րդ օրվա արդյունքները

© Sputnik / Hasmik GrigoryanБорцы Курбан Шираев (Россия) и Эрик Арушанян (Украина) в полуфинальном поединке Чемпионата Европы по вольной борьбе (14 февраля 2020). Рим
Борцы Курбан Шираев (Россия) и Эрик Арушанян (Украина) в полуфинальном поединке Чемпионата Европы по вольной борьбе (14 февраля 2020). Рим - Sputnik Արմենիա
Արսեն Հարությունյանը, Մարզպետ Գալստյանը և Լևան Բերիանիձեն կիսաեզրափակիչում են, ևս երկու հայ ըմբիշ կպայքարեն բրոնզի համար։

ԵՐԵՎԱՆ, 15 փետրվարի — Sputnik. Հռոմում ընթացող ազատ ոճի ըմբշամարտի Եվրոպայի առաջնության մրցումային երկրորդ օրը հաջող ընթացք ստացավ Հայաստանը ներկայացնող ըմբիշների համար: Նախնական գոտեմարտերից հետո մեր ընտրանու չորս ըմբիշներ մեդալ վաստակելու ռեալ հնարավորություն ունեն:

Հայ ըմբիշները պատմում են գոտեմարտերի և իրենց զգացողությունների մասին - Sputnik Արմենիա
Ինչպես հասան հաղթանակի. հայ ըմբիշները պատմել են գոտեմարտերի մասին. տեսանյութ

Արթուր Ալեքսանյանը ոսկե մեդալ վաստակեց և դարձավ Եվրոպայի հնգակի չեմպիոն

61 կգ քաշային, Եվրոպայի գործող չեմպիոն 20–ամյա Արսեն Հարությունյանը հաղթանակի հասնելով մակեդոնացի և ուկրաինացի մրցակիցների նկատմամբ, դուրս է եկել կիսաեզրափակիչ: Նույն արդյունքին է հասել նաև 92 կգ քաշային կարգում հանդես եկող Մարզպետ Գալստյանը, որը պարտության է մատնել Ուկրաինայի և Հունաստանի ներկայացուցիչներին: Մինչև կիսաեզրափակիչ երկու հաղթանակ է տոնել նաև գերծանր քաշային Լևան Բերիանիձեն:

61 կգ քաշային Արսեն Հարությունյանը մեկնարկային գոտեմարտում 6:0 հաշվով հաղթեց մակեդոնացի Վլադիմիր Եգորովին: Քառորդ եզրափակիչում Արսենը 7:0 հաշվով պարտության մատնեց ուկրաինացի Իվան Բիլեյչուկին ու դուրս եկավ կիսաեզրափակիչ: Այս փուլում Արսենի մրցակիցը լինելու է Ռուսաստանը ներկայացնող Ալեքսանդր Բոգոմաևը:

© Sputnik / Hasmik GalstyanԱրսեն Հարությունյանը
Մեր ըմբիշներից 5–ը Հռոմից մեդալ բերելու ռեալ հնարավորություն ունեն. 2–րդ օրվա արդյունքները - Sputnik Արմենիա
Արսեն Հարությունյանը

92 կգ քաշային կարգում Մարզպետ Գալստյանն առաջին գոտեմարտում 15:2 հաշվով հաղթանակի հասավ ուկրաինացի Ռոման Ռիչկոյի նկատմամբ: Քառորդ եզրափակիչում էլ Գալստյանը շատ ակտիվ էր ու կարողացավ առավելության հասնել հույն Անգելոս Կուկլարիսի նկատմամբ բացահայտ առավելությամբ՝ 10:0 հաշվով:

Ֆուտբոլը կորցրեց, ըմբշամարտը գտավ. ինչպես Արթուր Ալեքսանյանը ընտրություն կատարեց

© Sputnik / Hasmik GrigoryanՄարզպետ Գալստյանը
Մեր ըմբիշներից 5–ը Հռոմից մեդալ բերելու ռեալ հնարավորություն ունեն. 2–րդ օրվա արդյունքները - Sputnik Արմենիա
Մարզպետ Գալստյանը

Կիսաեզրափակիչում հայ ըմբիշի մրցակիցն է լինելու շվեյցարացի Սամուել Շերերերը:

Հայաստանը ներկայացնող գերծանր քաշային Լևան Բերիանիձեն հաղթանակով սկսեց մրցաշարը` 4:1 հաշվով առավելության հասնելով ռումինացի Դանիել Չինտոանի նկատմամբ: Քառորդ եզրափակիչում Բերիանիձեն դժվարին գոտեմարտում 3:0 հաշվով հաղթանակի հասավ գերմանացի Նիկ Մատուհինի նկատմամբ ու եզրափակիչ դուրս գալու համար գոտեմարտելու է լեհ Ռոբերտ Բարանի հետ:

© Sputnik / Hasmik GalstyanԼևան Բերիանիձեն
Մեր ըմբիշներից 5–ը Հռոմից մեդալ բերելու ռեալ հնարավորություն ունեն. 2–րդ օրվա արդյունքները - Sputnik Արմենիա
Լևան Բերիանիձեն

70կգ քաշային կարգում Գևորգ Մխեյանը սփոփիչ գոտեմարտերի իրավունք էր ստացել, ու նախ 12:2 հաշվով հաղթեց բելառուս Վիկտոր Սերադային, ապա 7:3 հաշվով հաղթանակի հասավ ուկրաինացի Ալեքսեյ Բորուտայի նկատմամբ: Բրոնզե մեդալի համար Մխեյանը գորգ դուրս կգա մոլդովացի Միխայիլ Սավայի դեմ:

Геворг Гарибян празднует победу в финальном поединке над борцом Керемом Кемалем на Чемпионате Европы по греко-римской борьбе (12 февраля 2020). Рим - Sputnik Արմենիա
Գևորգ Ղարիբյանը հաղթեց թուրք ըմբիշին և նվաճեց Եվրոպայի չեմպիոնի կոչումը

Հիշեցնենք, որ բրոնզե մեդալի համար պայքարելու իրվաունք է ստացել նաև 57 կգ քաշային Միհրան Ջաբուրյանը, որի մրցակիցը երրորդ տեղի համար պայքարում լինելու է սերբ Ստեֆան Միչիչը:

74 կգ քաշային Հրայր Ալիխանյանը, առաջին գոտեմարտում ուժերը չափեց վրացի Ավթանդիլ Կենչաձեի հետ: Ավելի ուժեղ գտնվեց մրցակիցը: Կենչաձեն հաղթեց 9:2 հաշվով, և մեր մարզիկը դուրս մնաց հետագա պայքարից:

Գևորգ Ղարիբյանը հաղթեց թուրք ըմբիշին և նվաճեց Եվրոպայի չեմպիոնի կոչումը

82 կգ քաշային Հովհաննես Մխիթարյանն իր ելույթները սկսեց ուկրաինան ներկայացնող Իլյա Արչայայի հետ և 7:5 հաշվով դժվարին հաղթանակ տարավ: Կիսաեզրափակիչ դուրս գալու համար Մխիթարյանը գոտեմարտեց Սան Մարինոն ներկայացնող ամերիկացի ըմբիշ Մայլս Ամինեի հետ ու պարտվեց 2:6 հաշվով:

Հիշեցնենք, որ ազատ ոճի ըմբշամարտի Եվրոպայի առաջնությունը Հռոմում մեկնարկել է երեկ` փետրվարի 14–ին։ Հայաստանն այս առաջնությանը ներկայացուցիչներ ունի բոլոր քաշային կարգերում։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала