Բարի գալուստ ռաֆտինգի հայրենիք, կամ առաջին «ռաֆտերը» եղել է Նոյը

© Sputnik / Asatur YesayantsПервенство по рафтингу. Спортивный сплав по горной реке Дебед.
Первенство по рафтингу. Спортивный сплав по горной реке Дебед. - Sputnik Արմենիա
Բաժանորդագրվեք
НовостиTelegram
Ամբողջ աշխարհում աճում է լեռնային գետերով լողարկելու` ռաֆտինգի հանդեպ հետաքրքրությունը, որը ոչ միայն որպես էքստրեմալ մարզաձև է, այլև գրավիչ ժամանց զբոսաշրջիկների համար։ Հայաստանը ռաֆտինգի միջոցով լիովին կարող է իր տեղը գտնել «ռաֆտինգային քարտեզի» վրա։

ԵՐԵՎԱՆ, 17 փետրվարի – Sputnik. Ռաֆտինգի համաշխարհային ֆեդերացիայի նախագահ Դանիլո Բարմազն այցելել է Հայաստանի տեսարժան վայրեր ու հասկացել, որ մեր երկիրը զբոսաշրջության ամենագրավիչ վայրերից մեկը դառնալու մեծ ներուժ ունի։ Նա իր տեսակետը հայտնեց այսօր Sputnik Արմենիա մուլտիմեդիոն մամուլի կենտրոնում հրավիրված ասուլիսի ժամանակ։

«Մանավանդ Դեբեդ գետը ռաֆտինգի, թիավարության, ժայռամագլցման միջոցով զբոսաշրջության ամենագրավիչ վայրերից մեկը դառնալու հսկայական ներուժ ունի», – ասաց նա։

© Sputnik / Aram NersesyanԴանիլո Բարմազ
Բարի գալուստ ռաֆտինգի հայրենիք, կամ առաջին «ռաֆտերը» եղել է Նոյը - Sputnik Արմենիա
Դանիլո Բարմազ

Բարմազը բարձր գնահատեց մարզաձևի ճանաչման հարցում Հայաստանի ռաֆտինգի ֆեդերացիայի կատարած աշխատանքը` հատկապես ֆիզիկական սահմանափակ կարողությամբ մարդկանց ներգրավվածության հարցում, ինչի արդյունքում հայ մարզիկներն անցյալ տարի հիշարժան մասնակցություն ունեցան Ուկրաինայում կազմակերպված պարառաֆտինգի աշխարհի առաջնությանը։

Հայաստանում առաջին անգամ կազմակերպեցին ռաֆտինգ - Sputnik Արմենիա
Ինչպես խիզախ հայերը ներխուժեցին Ծովինարի թագավորություն. ռաֆտինգ Դեբեդի վրա. տեսանյութ

Իտալացի փորձագետը նաև հայտնեց, որ Հայաստանի օլիմպիական կոմիտեի ներկայացուցիչների հետ հանդիպումը խոստումնալից ընթացք է ունեցել, և ՀԱՕԿ–ը համաձայնել է հետագայում աջակցել այս մարզաձևի զարգացմանը։ Դա հատկապես կարևոր է` հաշվի առնելով այն հանգամանքը, որ ռաֆտինգն օլիմպիական մարզաձև դարձնելու նպատակ կա։ Առայժմ հայտնի չէ, թե նման հեռանկարը երբ իրականություն կդառնա, սակայն Բարմազը այդ հնարավորությունը լիովին իրատեսական է գնահատում։

«Օլիմպիադայից հետո 2-իդ էլ կամուսնացնենք». Գյումրու քաղաքապետն ընդունեց հաղթած ըմբիշներին

Հայաստանի ռաֆտինգի ֆեդերացիայի նախագահ Սեդրակ Զաքարյանը նույնպես ընդգծեց Լոռու մարզի գրավչության մասին` կարևորելով ռաֆտինգի դերը` որպես զբոսաշրջության խթան։

© Sputnik / Aram NersesyanՍեդրակ Զաքարյան
Բարի գալուստ ռաֆտինգի հայրենիք, կամ առաջին «ռաֆտերը» եղել է Նոյը - Sputnik Արմենիա
Սեդրակ Զաքարյան

«Ալավերդու քաղաքապետի հետ քննարկել ենք ռաֆտինգի մարզադպրոցներ բացելու հնարավորությունը և տարատեսակ համատեղ ծրագրերը, որոնք ուղղված կլինեն մարզաձևի ճանաչելիության բարձրացմանը »,– ասաց նա։

rafting.amArmenia ակումբի համակարգող Վազգեն Խաչիկյանն էլ հայ–իտալական այս համագործակցությունը կատակով նմանեցրեց Հռոմի և Երևանի «ամենահին մայրաքաղաքի» կամ «գինեգործության ակունք» տիտղոսի մրցավազքին։

«Իտալիան, օրինակ, նորաձևության օրենսդիրն է, բայց նաև չմոռանանք, որ ամենահին կոշիկը հայտնաբերվել է Հայաստանում, և այս շարքում ռաֆտերներս նույնպես չենք ուզում հետ մնալ, քանի որ մարդկության առաջին «ռաֆտերը» եղել է Նոյը, որը հաջողացրեց ռաֆտը հասցնել բիբլիական լեռան գագաթ, ուստի գուցե մեր կարգախոսը լինի «Բարի գալուստ ռաֆտինգի հայրենիք»»,–ասաց նա։

© Sputnik / Aram NersesyanՎազգեն Խաչիկյան
Բարի գալուստ ռաֆտինգի հայրենիք, կամ առաջին «ռաֆտերը» եղել է Նոյը - Sputnik Արմենիա
Վազգեն Խաչիկյան

Բանախոսները համոզված են, որ ոչ հեռու ապագայում աշխարհի ռաֆտինգային քարտեզի վրա Հայաստանը կկարողանա իր ուրույն տեղը գտնել։

«Պապան կողքից գոռում էր` չհանձնվես...». Էդմոնդ Նազարյանը` ադրբեջանցու հետ գոտեմարտի մասին

Լրահոս
0